15 49.0138 8.38624 1 1 4000 1 http://wyrta.com 300

Kyntu ka MCTOA ya ka NGT wow phah pyndam noh ya ki Weighbridge ki bru samen hapoh ka jylla

0 Comments

Jowai: Ka Meghalaya Commercial Truck Owners Association (MCTOA) da booh mukotduma ko ha ka National Green Tribunal wow hukum ya ka sorkar jylla wow dam noh u pynmih ya ki Weighbridge yong ki bru samen hapoh ki sarokbah kiwa em hapoh ka jylla khamtam ha u sarokbah NH 40 wa NH 44 deiwa ong wa kini ki Weighbridge da wanrah ki yei eh i khoo wow chalan ya u mooyong uwa dang sah ya uwa dang yoh u kit hadooh ka 31 tarik uni u bnai.

Ka seiñ da ong ko wa ka Supreme Court ha ka Special Leave Petition ha ka 06-11-2015 da ong ko wa kat wympu em ki Check-post wa tip kam ki Integrated Check Post toh u pynneh ya ki Weighbridge yong ki bru samen wei u pyndooh noh ya ki hadien wa da booh ya ki Integrated Check Post. Ini mut i wa ka Transport Department ymye de ko wow pynmih da kiwi ki Weighbridge wa thymme yong ki bru samen.

Advertisement ad1

Ka MCTOA da ong ko wa ka sorkar jylla warim da yah bakla ko ya ka NGT deiwa murieh ya ka hukum ka Supreme Court wei da pynmih ko boon tylli ki Weighbridge yong ki bru samen ha kiwa boon ki thaw ka jylla.

Ka seiñ da ong ko wa kini man ki pyrchah ya ka aiñ kiwa da khrong poisa pyrchah ya ka aiñ wei da pynsah ki leh ya i lai i wan ki kari. Kamtæ ka seiñ ym yohsa de ko wow ujor ha khmat ka NGT ya kini ki kaam pyrchah aiñ deiwa murieh ka sorkar jylla ya ka hukum ka Supreme Court.

Ha u 2014 neiliang ka All Dimasa Students Union da ujor ko heiyatoh wa i rukom tih mooyong hapoh ka jylla heiwa ka NGT da pynmih ko ka hukum wa 17-04-2014 wow khang chipor ya i tih mooyong hapoh jylla wei wow kit ya u mooyong uwa dadep tih wei uni u mooyong hawa chalan ya oo emkaam u em ya ki Weighment Certificate na kini ki Weighbridge wa kiwi kiwi ki kyndon.

Kamtæ ka MCTOA da kyntu ko ya ka NGT wow hukum ya ka sorkar jylla wow pyndam noh ya ki Weighbridge wa chna thymme kiwa pynlai da ki bru samen hadien wa mih ka hukum yong ka Supreme Court ha ka 06-11-2015.

Da kyntu leh wow khang ya ki Weighbridge wa pynlai da ki bru samen wow e ki ya ka Weightment Certificate cha ki truck kit mooyong, wow pyndam ya ki Weighbridge ki bru samen kiwa da krehkaam hadien wa pynmih ka NGT ya ka O.A No. 73 of 2014.

(Feature Image-Representational Only)

Advertisement ad1

U sdang ka Meghalaya Baby League nadooh ka 19 ....

Previous

Ieh noh u Shnalad Rymbai kam u President Ka HA....

Next

0 Comments

Leave a Reply