15 49.0138 8.38624 1 1 4000 1 http://wyrta.com 300 0

Lai e yarap ka JYF-CB ya ka thaw ri khonswet ha Nartiang

0 Comments

Jowai: Ka JYF-CB, kam chibynta yong ka lehkmen Independence Day ynne ka sngi da lai e yarap ko ya ka World Mission Children Girl ka thaw ri khonswet wa em ha Nartiang ryngkat i emlang u sahep wa phah da ka yung krehkaam u DC ka West Jaiñtia Hills, u E.S. Langshiang. 

Chwa wow ekti ya ki tiar, da em ka yalang wa tbian heiwa u E.S. Langshiang da klam u ya ka parom yong ka sngi laitlooid kamjooh leh ki kyntien sneiñ kyntu.

Da pynbood won leh ya ki kyntien neiliang ka seiñ lyngba u S. Pajuh, uwa man kam u Joint Secretary wa na u Brightstar Chyrmang uwa man u MDC ka Jowai North Constituency uwa jooh man leh kam uwa yahkhmat ka seiñ wa ki kyntien sneiñ na ka Arlin Dkhar kawa man ka President yong ka JYF – Women’s Wing.

Ha kani ka sngi da emlang leh u General Secretary ka seiñ, u F. Rymbai, u O.L. Tariang uwa man kam u Vice-President, ka Friday Sana ka Secretary yong ka Women’s Wing, ki dkhot ka seiñ wa kiwi kiwa pynlai ya kani ka thaw.

Advertisement ad1

0 Comments

Leave a Reply