15 49.0138 8.38624 1 1 4000 1 http://wyrta.com 300 0

Lai e yarap ka Rotaract Club ka NEHU cha ki manyung ka chnong Haribanga, WGH

0 Comments

Shillong: Ka e yarap ya kiwa chah ktah ha i chlai um ha ri-loom Garo namo ka Flood Relief Campaign da pynman ya ka da ka Rotaract Club ka NEHU ha chnong Haribanga wa haap hapoh ka Selsella Tehsil, WGH.

Ya kani ka Campaign da kyrchaan da ka Rotary Club of Orchid City (Shillong), Saindur Enviro Pvt. Ltd., Shillong; wei da e poisa kyllooid mynsien da ki wakreh, ki khynnah yong ka North-Eastern Hill University kamjooh leh ki bru samen kiwa na baar ka Campus. 

Ynnin ka 31 tarik kiwa mihkhmat ka Club da lai ki cha ka chnong Haribanga heiwa da e yarap ki da ki tiar cha ki palat 200 tylli ki manyung ka chnong kiwa da chah ktah ha i chlai um. 

Ha ini i e yarap da e da u khoo, u dai, i blooh, dud, wa kiwi kiwi wei da saam leh 200 tylli ki Sanitary Napkin Packet cha ki kynthai wa ki manbei ka chnong. 

Ha ini i lai e yarap da emlang leh u BDO, PR Sangma wa u OC, Khan yong ka Phulbari PS.

Advertisement ad1

0 Comments

Leave a Reply