15 49.0138 8.38624 1 1 4000 1 http://wyrta.com 300

Maham u DC ka WGH ya kiwa kreh sorkar kiwa wan slem cha ki thaw kreh

0 Comments

Jowai: U DC ka West Garo Hills District u Ram Singh, da thoh u cha waroh ki tnat sorkar hapoh ka District heiyatoh wa slem wan kreh kiwa kreh sorkar deiwa ong wa i por sdang kreh toh nadooh 10 waje i step ymtoh 10:30 i step katkam wa thoh ha ka Meghalaya Govt. Rule.

U DC da ong u wa emkaam u man kiwa biangpor, kiwa krehchitom wei ya kiwa wan slem wa kiwa ym em u kheiñor yei kaam yong ki daw pynchitom ya ki.

Chooh chooh da ong u wa da yoh yutip u wa em kiwa wan kreh dei muaid kiad wei lada chem ya kam kini, ki heh ki tnat sorkar toh u phah leh ki ya ka Medical Checkup ya ki wei ye leh u beh kreh ya ki.

U DC da ong u leh na ki por cha ki por daw wan sylli u ya ki yungkrehkaam ki tnat sorkar wei lada chem wa em kiwa pep kreh khlem yoh bor daw pynchitom ya ki.

Heiyatoh won wa kiwa kreh hapoh ka yungkrehkaam u DC daw pynemkaam noh da ka Biometrics Attendance System kawa da em ha Reception Counter yow tip ya kiwa wan kreh wa kiwa dam kreh wei yeini u pait u District Informatics Officer, (DIO), NIC, Tura.

Ini mut i wa waroh kiwa kreh hapoh ka yungkrehkaam u DC emkaam wow chon ki ya i pariam kti yong ki hapoh ka Biometrics Attendance System wei manda wan kreh ki haap chon ki ya ka pariam kti ha kani ka kor yow pynsakhiat wa da wan ki cha i thaw kreh.

Advertisement ad1

Chem ki pulit ya i metyap uwi u bru na kawi ka....

Previous

Dooh uwi yei mynsien yong oo hadien wa liat u ....

Next

0 Comments

Leave a Reply