15 49.0138 8.38624 1 0 4000 1 https://wyrta.com 300 0
Advertisement ad1

Mih i awri ha nongbah New Delhi hadien wa cha dat uwi wa yah kari ha Delhi

0 Comments

New Delhi: Ynne ka sngi i kajia wa i awri hapyrdi uwi uwa yah ya ka kari tempo wa ki pulit ka Delhi Police da kylla man i iwa joor hadien wa uwa yah ya kani ka tempo wa u khon yong oo da chah dat chah bom ki ha ki pulit ka Mukherjee Nagar, New Delhi hadien wa sai wait uwa yah ya kani ka kari.

Katkam ka yutip wa yoh (ka wympu tikna) da ong u Sarbeet Singh uwa yah yaka kari Gramin Sewa Tempo da tyrrah ko malum malæ ya kawi ka kari u pulit kani ka thanat heiwa da mih i kajia wei yakujai hapyrdi uwa yah wa u pulit kani ka thanat, hadien ini uni ki pulit da khut yarap u na kani ka thanat heiwa da wan mih da ki phaw ngut ki pulit kiwa da choh da bom ya uwa yah uwa da ksoh wa ka wait ha kti yow yada. 

Neiliang ki pulit da ong ki wa i tyrrah kari da jia i ha i janmiet ka Bibar heiwa nei kajia da mih noh i awri awra wei uwi u pulit da mynsoo wa chah dat u da ka wait na khlieh. 

Neiliang uwa yah won da pynbaad u wa da chah dat chah bom u ha ki pulit khlem poi pyrkhat. 

Hadien wa jia ini waroh da mih i awri wa ha rukom heiwa ki paidbah da kær-kut ki ya ka thanat ha Mukherjee Nagar yong ka sorbah New Delhi. 

U Montri rangbah ka New Delhi, u Arvind Kejriwal da phah u wow pynman ya ka takit hajrong ini iwa jia waroh deiwa beiñ u leh yeini iwa jia.

Neiliang ka Ministry of Home Affairs leh da phah ko ya ka sorkar Delhi wow takit yillu ko hajrong ini i kaam.

Da ujor FIR pyrchah mar kylliang ha ini wa jia neiliang ki pulit wa uwa chah dat.

Da mih leh i klam beiñ yaki pulit wa ym em ye ki wow leh deiwa biang ya kani ka kaam neidaw wa daw ye ko u heh chooh chooh.

0 Comments

Leave a Reply