15 49.0138 8.38624 1 1 4000 1 http://wyrta.com 300 0
Advertisement ad1

Mynjur ka sorkar Meghalaya ya ka Water Policy kawa nyngkong dooh hapoh ka ri

0 Comments

Shillong: Ka jylla Meghalaya da man ko ka jylla kawa nyngkong dooh wa chna ya ka State Water Policy napyrdi ki jylla ha ka ri India. Ya kani ka Policy da pdiang da ka Cabinet kawa chong yalang ynnne ka sngi.

Hawa yaklam wa ki laad pathai khubor, u symbood montri rangbah u Prestone Tynsong da pynsñiaw u yei kmen wa ka sorkar da ye ko wow chna ya kani ka Policy, kawa nyngkong dooh na ki jylla ha ka ri India.

Da ong u wa i thmu wa kongsan yong kani ka Policy toh wow yada ya ki doh um doh wah, ki um ki wah, wow khang laad ya i pyntngit ya ki wah, u pynneh ya ki thaw wa mih um wa lang um deiwa ya krehlang ka sorkar wa ki bor chnong bor thaw wa ki seiñ kur kiwa em ki thaw wa em ki tyllong um.

U symbood montri rangbah da ong u wa lyngba kani ka Policy, daw em ka Village Sanitation Committee ka wow pait ya ki kaam wow pynneh wei wow yada ya ki um ki wah. Katkam wa ong u Prestone, ka rukom krehkaam kani ka Committee daw sariem ko wa i rukom krehkaam 100 sngi ka MNREGS.

U Prestone da ong u leh wa ha kani ka Policy da kynthup lut ko ya waroh ki jnit ki jnat kiwa yatoh wa ka um wei kamjooh ya ka rymaw.

Katkam i ong u symbood montri rangbah, ka Policy klam ko leh wow chna ya ki Check Dam neibynta wow khang laad ya i tooid ei ka um slap cha Bangladesh næ cha kiwi ki thaw neibhah wa kani ka jylla man ko kawa em ha ri-loom wei kawa joor bha u slap, tangwa kamwa man katni du kajiak por ka um da kai lut ko cha Bangladesh.

Advertisement ad1

0 Comments

Leave a Reply