15 49.0138 8.38624 1 1 4000 1 http://wyrta.com 300 0

Mynstep u chim ka Privelege Committee yaka rai pyrchah ya u Dy.SP wa phah looid yaka yit rong yong ka kari u MLA

0 Comments

Shillong: Ka Privilege Committee ka yung dorbar chna aiñ ka jylla, daw chong biang ko mynstep ka 6 tarik yow chim ya ka rai wow maap næ ym map ya u Deputy Superintendent of Police (Dy.SP) u W. Momin uwa da chah ujor ha u MLA ka Rambrai u Kimfa S Marbaniang uwa da chah pynbaad wa lehbor u wow phah looid yaka biah rong yong u ya ki yit kari u MLA heipor wa lai luti u.

Ya u Dy.SP da wan mihkhmat da u DGP u R. Chandranathan ha ka chah khut hajir ynne ka sngi hakhmat ka Privilege Committee.

U Chairman ka Privilege Committee u Saleng A Sangma da ong u wa ka Committee ka ym pu em chim ko yaka bichaar neidaw wa ym pu hun ko wei daw khut biang mynstep ka sngi yow wanrah da i thoh wei daw e yaka rai mynstep.

Katkam wa pyntip u Chairman ka Committee, da kam wa u Dy. SP ha i por kamwa 11 waje i step ha ka 7 tarik uni u bnai ha Motphran, u Dy.SP (Traffic) da ksoh u ya ka kari u MLA wei da mih ka yania ha katai ka por.

U Saleng da pyntip u wa u MLA ka Rambrai u Kimfa da ujor u pyrchah ya u Dy.SP (Traffic), ym toh neidaw wa biah yit rong yong ka kari tangwa ne i leh heh uni u pulit pyrchah ya u MLA wa da jied da ki paidbah.

Ha i jooh i por, u Saleng da ong u wa i klam u Dy.SP cha ki laad pathai khubor wa ka Committee ka da khut hajir ya oo neidaw wa phah khoh u wow looid ya i biah yit rong yong, da man ko kayi kayi kawa ym toh toh, wa da pyrchang u wow pynbakla ya ka yumut yong ka kaam.

Advertisement ad1

0 Comments

Leave a Reply