15 49.0138 8.38624 1 1 4000 1 http://wyrta.com 300

Na u Conrad dawa ki khynroo wa ki ar seiñ wow pynneh ya u Arunkumar kam u DC

0 Comments

Shillong: Ki khynroo khyllood ka thaiñ Nongstoiñ ryngkat i synraan ka Civil Society Women Organisation (CSWO) wa ka Thma U Rangli-Juki (TUR), ynne ka sngi da lai dawa ki na u Montri Rangbah ka jylla, u Conrad K Sangma wow pynneh chwa ya u Arunkumar Kembhavi kam u Deputy Commissioner ka West Khasi Hills District.

Hawa yaklam wa kiwa pathai khubor uwi na kini ki khynroo, u Wanphailang Dkhar da ong u wa ka yachem wa u Conrad neiliang yong ki da dawa ki wa ka sorkar ymtoh u kyrriah kaam ya u DC uwa katni ka West Khasi Hills neibhah ym kut ka por yong oo kam u khliehdooh ka district.

Advertisement ad1

Da ong u wa ha ki 15 bnai wa u Arunkumar Kembhavi man u kam u DC, ka thaiñ da yoo ko wa oo da da kreh hok u wei kiwa che.

Heijooh i por da ong u wa neiliang u Montri Rangbah da ong u wa i kyrriah kaam ya uwon uwon u sahep chong i katkam emkaam ka sorkar, heijooh i por u Montri Rangbah da pyntikna u wow pait ya kani ka kaam, tangwa ym em kular u wow pyndam ya ka hukum kyrriah kaam ya u Kembhavi, kawa da pynmih ha ka 28 Naitung (April) wei kani ka hukum u kut noh ko ha ka 10 traik uni u bnai.

Kam wow pynkynmoo wa ha ka 4 tarik uni u bnai ki dkhot ka TUR da pynman yalang paidbah ki ha Nongstoin hei yatoh wa ini i jooh i kaam.

Ym kheiñstiñ ka NPP ya ka Election ha Ampati: ....

Previous

Ymye u leh katwa ngait hadien wa da yoh ya ka ....

Next

0 Comments

Leave a Reply