15 49.0138 8.38624 1 1 4000 1 http://wyrta.com 300 0

Phah wai biang ka CE ya ka skur JNV Mawphlang

0 Comments

Shillong: Ka Committee on Environment (CE) yong ka Yung Dorbar Chna-aiñ ka jylla da rai ko wow chah biang wow wai ya ka skur Jawahar Navodaya Vidyalaya (JNV) Mawphlang nadooh ynne ka sngi, hadien wa ka committee da phah khang chwa ko ya ka neibhah wym em bood ko ya ki kyndon wow pynbiang ya ka Sewage Treatment Plant.

Kam wow pynkynmoo ka Committee ha u Naiynñiaw da lai pait ko ya ka skur heiwa da chem wa ka skur pynkai ko ya ki jakhlia na paikhana cha ka Dam Mawphang, heiwa da phah noh ya ki bor ka skur wow pynbiang ya ka thaw pynkhooid ya i jakhlia, ka Sewage Treatment Plant wei wow phah khang chwa leh ya kani ka skur.

Hawa yaklam wa kiwa pathai khubor, u Chairman ka Committee uwa man leh u MLA na Mawphlang, u Syntar Klas Sunn da ong u wa ka Committee on Environment da chim ko ya kani ka rai wow phah wai biang ya ka skur JNV hadien wa da booddien yei chna ya ka Sewage Treatment Plant.

Da ong u leh wa hadien wa neiliang u Principal Secretary yong ka chnat PHE & Education, u DP Wahlang da pyntip u ynnin ka sngi da lai pait u ya kani ka skur heiwa da e u ya ka bui wa ka thaw pynkhooid jakhlia da man ko kawa biang.

Heijooh i por da ong u wa kattu daw em i lai pait ka Committee ar sien chibnai wei hadien ini chisien chi bnai katwa ka JNV ympu ye ko u pynbait ya ka Contract kawa man u snem ka wow pynlut kamwa T.18 lak chisnem.

Advertisement ad1

0 Comments

Leave a Reply