Advertisement ad1

Ialong: Ia kani ka Health Adalat da pynman da ka District Administration ynne ka sngi ha Jowai Civil Hospital, Ialong. I jingthmu ïong kani ka Health Adalat toh iow ioh ki tnat iong ka Health wapher wapher u iachem wa ki paidbah iow ap u sniaw  ki ia i jingeh iong ki hei iatoh wa i rukom krehkam iong ki Sub-center, ki PHC, ki CHC, wa ka hospital. Da em leh kamjooh kiwa kreh yong ki skhim sorkar kam ka National Rural Health Mission (NRHM), Megha Health Insurance Scheme (MHIS), National Vector Borne Disease Control Programme (NVBDCP), National Leprosy Eradication Programme (NLEP), National Aids Control Programme (NACP) wa ka National Mental Health Programme (NMHP).

Ia kani ka Health Adalat ong u DC da pynman hadien wa boon ki ujor wa mih na ki paidbah hei iatoh wa i krehkam ki PHC, CHC kamjuh leh ia ka hospital.

Advertisement ad1

Da pynkhreh ia ka ialang ha pchem ka hospital, hantae sep-ai i thmu neibhah ym em tang wi ar ki paidbah wa wan wow pynap yei eh i kho yong ki, iwa lyngngoh chooh chooh leh toh hadooh ki seiñbhalang kiwa na ki por cha ki por wa klam wa kynthoh yei krehkaam ki tnat e sumar ym em kawi wot leh wa wan ia chim bynta. katawa wym em bru neiliang ki bor pyllai ka Health Adalat da kariah thaw noh ki chapoh ka hospital hawa u DC da iachem u wa ki doctor wa ki nongkreh iong ki tnat ka Health.

Hawa ia klam wa u DC ong u wa jan wym biang i pynbna paidbah ka DIPR ia kani ka Health Adalat te ym ioh ko u man kawa jop ynne ka sngi.

U DC  da e u ia ka kaiphod ia i chem iong Oo ha i sylli takit wa da leh u ha kani ka sngi. Da li peit li yoo u ia ki kamra thiah, thaw chet, pharmacy, ki thaw X-ray, ki painkhana, thaw nohjhep wa kiwi kiwi ki thaw hapoh ka hospital. Sniaw kmen u ia i khooid i suba ka hospital kamjooh leh ong u wa kiwa thiah kjut leh ym em i ood ki hei iatoh wa ki doctor wa ki nurse. Ong ki leh wa ioh bam ki soo sein chisngi.

Ki wa kjut wa ym ioh thaw thiah

Ia ki jingduna ka hospital kam ia i wa ym em Ophthalmologist (doctor sumar khmat) wa ia u Radiologist (u nongpeit ia ki result iong ki kor X-ray, CT Scan, ki MRI wa kiwi kiwi) da kular u DC u ialeh u pynioh smat noh ia ki.  Da ong u leh wa ym em wa pyntip cha Oo  ia i chitom light cha Ialong kawa ktah bha ia kiwa wan leh X-ray neibhah ka generator wa pynemkam ki katte ym ye ko u kit ia ka load iong ka kor X-ray. Ha kani ka sngi da chem leh wa boon bha ki bru wa wan na ki chnong wa jngai da dup liwan ki khlem ioh leh X-ray neidaw wym em light.

Ka Dr. E.A. Paswet, Superintend iong ka hospital ong ko pynemkam generator ki kam wa 6-7 kynta chisngi wei hap pynlut ki boon ka fund iong ka hospital du ha i thied diesel don hi. Da khana ko leh ki dawai wa ioh bhah ka Hospital ym jooh dap ki wow pynbiang ya ki wa wan thooh dawai neini.

Share this:
Share on Facebook0Tweet about this on TwitterGoogle+0
Advertisement ad1