Jowai: Ka lympung yalehke wa tip kam ka 8th District Open Badminton Championship wa pyllai daka West Jaiñtia District Badminton Association wada sdang nadooh ka 5 tarik uni u bnai dapoi ko chawa kut ha kani ka 8 tarik ha Khimmusniang Indoor Stadium Jowai.

Ha kani ka sngi pynkut dawan sakhi lang u Dy. CEM ka JHADC u Andrew Shullai, u SP ka West Jaiñtia R. Muthu, u waheh chnong ka Khimmusniang u T. Bamon wa kiwi kiwi.

Advertisement ad1

Haka yakhun Final yong ka kyrdan Under-15 Boys Single da jop da u Deilang wa OO Nongpluh ya u Gregorio Passah da 21-17, 19-21, 21-13. Haka Under-15 Boys Double da jop da u Ritreodame Nongpluh wa u Deilang wa OO Nongpluh deiwa pynrem ya u Gregoria Passah & Sambul Lamare da 19-21, 21-14, 21-17.

Haka Men’s Single da jop da u Buromlangki Lakiang deiwa pynrem ya u Gregorio Passah da 21-12, 21-9. Haka Men’s Double da jop da u Rimilan Passah wa u Buromlangki Lakiang deiwa pynrem ya u Arkiyoo Passah wa ya u Gregorio Passah da 21-16, 21-12.

Haka Women’s Single da jop da ka Dorothy C. Challam deiwa pynrem yaka Balashembha Passah da 19-21, 21-15, 20-16. Ha ka Women’s Double da jop ka Dorothy C. Challam waka Josephina Passah deiwa pynrem yaka Balashembha Passah waka Emilanadaka Chyrmang da 22-20, 21-19.

Hei rta wa 45 snem chaneiñ yong ka Men’s Single da jop da u Teddy Laloo deiwa pynrem ya u Wanmi Dkhar da 21-16, 21-12.

Hei rta wa 45 snem chaneiñ yong ka Men’ Double won da jop da u Salan Paswet wa u Teddy Laloo deiwa pynrem ya u Wanmi Dkhar wa u Riki Challam da 22-20, 22-20.

Hei rta wa 45 snem chaneiñ yong ka Mixed Double da jop da u Salan Paswet waka Ribhalang Passah deiwa pynrem ya u Shiboon Pohleng wa ka Medalin Shullai da 21-11, 21-15.

Share this:
Share on Facebook0Tweet about this on TwitterGoogle+0
Advertisement ad1