Advertisement ad1

Jowai: Ka lehniam Behdieñkhlam ha Aitnar, Jowai ynne ka sngi da man ko kawa chongkun kamjooh kawa phooh wa phieñ heiwa da wan sakhi da ki hajar ki bru wa wan na jan wa na jngai.

Advertisement ad1

Da wan sakhi leh ya kani ka sngi Muchai da u lat ka jylla u Banwarilal Purohit, u Montri ka tnat bordiñ u S. Dhar da em leh u DC ka West Jaiñtia Hills u R. Rapthap, u DC ka West Khasi Hills u Arunkumar Kembhavi wa kiwi kiwi de.

Ha Aitnar hadien wa ki Khon Raij da tympat ki ya ka Symbood Khnong ki Kmai Raij da pynpoi ki ya ki rot yow pynhiar ha Aitnar.

Hadien wada pynhiar ki Kmai Raij ya ar tylli ki rot ha Aitnar ki Khon Raij (Chilliangraij) da e ki ya ka Symbood Khnong ha Aitnar yow knieh ki khon ka Raij yow eh ka bok ka nasib.

Manda dep e ya ka Symbood Khnong ki Kmai Raij da sdang ki u pynhiar ya ki rot ha Aitnar.

Hadien wa da pynhiar ya waroh ki rot ki Khon Raij da pynhiar ki ya ka Khnong Blai ha Aitnar wow yaknieh u tba ya ka yow eh ka bok ka nasib, yow bha ka khih ka kreh yow yoh i roi i paar.

I knieh ya ka Knong ym mut ko kat du yeitæ katni, man ko kam ka dak wa ong wa uwa yoh u tba u yooh ya ka man u uwa chkeh, wei ym du kat itæ mut ko leh wa uwa yoh u tba ya ka yow yoh i kyrkhu, daw kwah u wow pynneh yei doh yei pran yong oo dahi neibhah poi snem nawon daw kwah ma kwah biang u wow yoh yei kyrkhu.

Ki Rot wa da pynyoo rong ynne ka sngi da rah lang ki wa ki ya kiwa boon ki khubor nadooh wow pynwiar jait ya ki kaam pyrchah ya ki kynthai, i chait i khiah, i chong kurim jhan, wa kiwi kiwi de.

Share this:
Share on Facebook0Tweet about this on TwitterGoogle+0
Advertisement ad1