Advertisement ad1

Shillong: Ha ka 10 tarik uni u bnai heipor 1:45 i sngi da pynman ya i sylli ya ki thaw tih mooyong da ki Magistrate chirup wa ki pulit ha East Jaiñtia Hills heiwa da chem ya uwi u Bai Nongtdu uwa mantre ya u mooyong chirup wa ki wakreh yong oo wa tip kam u (1) Sanjib Das (18 snem), (2) Narendra Das (34 snem), (3) Ranjit Das (24 snem) wa (4) Bajo Basi (21 snem), heipor wa dang tih moo ki na Dkhiah East (EJH) heiwa da yoh leh ya ki 307 tylli ki dynamite (gelatin sticks) wa 282 tylli ki detonator.

Ha ka jooh ka sngi kamwa heijooh i por ki Magistrate wa ki pulit da leh ki yeijooh heiwa da kem noh ya u (1) Abu Samad (30 snem), (2) Hafiz Ali (35 snem), (3) Javed Ali (27 snem), (4) Lefaz Uddin (30 snem), (5) Fulchan Ali (29 snem), (6) Nurul Islam wa u (7) Norej Ali, heipor wa dang tih mooyong ki na i thaw u Wish Mallik at Dkhiah East (EJH).

Advertisement ad1

Haka sngi wa bood won itæ haka 11 tarik da kem ya kawi ka truck kawa khlem Number Plate kawa yah da u Ksoh Dkhar kawa kit mooyong pyrchah ya ka hukum ka NGT na Mookhaialong (EJH).

Hei miet kani ka jooh ka sngi heipor kamwa 7:45 da kem ya kawi ka truck wa em u No. ML-04-2977 kawa kit mooyong tooh pyrchah ya ka hukum ka NGT na Lekilo (EJH). Heiwa uwa yah da yut u na ini i thaw.

 

Share this:
Share on Facebook0Tweet about this on TwitterGoogle+0
Advertisement ad1