15 49.0138 8.38624 1 1 4000 1 http://wyrta.com 300 0

Pynbna ka sorkar ya ki pyrtuid wow pynlai ya ki Integrated Weighbridge

0 Comments

Shillong: U Joint Secretary ka sorkar Meghalaya, Transport Department da pyntip u deiwa bood ya ka hukum wa pynmih ka High Court ka Meghalaya haka mukotduma WP (C) No. 284/2016 dated 19.11.2018, ka sorkar da chah ko ya u Gavin M. Mylliem wow pynkrehkaam u ya ka Weighbridge wa em ha Umling (Exit) lyngba ka Notification No. TPT.64/2004/Pt/35, dated 27th March, 2019.

Hadien won wa yoh bor won naka Election Commission of India lyngba ka Letter No. MP/Election/2019/51, dated 29th March, 2019 yow pynkrehkaam ya ka Integrated Weighbridge ha Umling (Exit), neiliang ka sorkar lyngba ka Notification No. TPT.35/2016/280, dated 12th April, 2019 da chah ko wow pynemkaam ya kani ka Integrated Weighbridge ha Umling (Exit) da uwa jop ya ka dai lilam u Win Pale.

Heiyatoh won waka hukum wa pynmih da ka High Court ka Meghalaya kawa yatoh i ya i yasoi ka sorkar wa u Gavin M Mylliem dated 26th March, 2019, ka Weighbridge u Gavin M Mylliem, lyngba ka Notification No. TPT.64/2004/Pt/35, dated 27th March, 2019 da pyndam noh ka chi syndon wei waroh poisa wa da dep su kawa tam katkam wa da pynbait daw pynuiñ noh ka cha u Gavin M Mylliem.

U Joint Secretary ka sorkar Meghalaya, Transport Department da pyntip u leh wa hapoh ka Rule 10, katkam wa da dep pynkylla (amended) ya ka aiñ Meghalaya Installation, Regulation, Maintenance and Operation of Weighbridge Rules, 2009, wei deiwa bood leh ya ka chithi naka the Election Department letter No. MP/Election/2019/51, dated 29th March, 2019, ka Integrated Weighbridge ha Umling (Exit), Ri Bhoi District, Meghalaya ka yong u Win Pale na Wahiajer, West Jaintia Hills District, da e bor ya ka wow e ko ya ki Weighment Certificates ya ki kari wa kit mooyong wa kiwi ki mar kiwa lai lyngba kani ka Weighbridge wei ya ini u ye u leh 3 snem.

Heiyatoh wa ki jooh ki kyndon, ka Weighbridge wa em ha Killing, Ri Bhoi District, Meghalaya ka yong u jooh u bru Win Pale da e bor ya ka wow e ya ki Weighment Certificates ya waroh ki kari kit mooyong wa kiwi ki mar kiwa lai lyngba na kani ka Weighbridge wei yeini u ye u leh 3 snem.

Hapoh ki jooh biang ki kyndon, ka Integrated Weighbridge wa em ha Umling (Entry), Ri Bhoi District, ka yong u Kyrpad Shylla na Wahiajer, West Jaintia Hills District, da e bor ya ka wow e ko ya ki Weighment Certificates cha waroh ki kari kit mooyong wa kiwi ki mar wa lai lyngba kani ka Weighbridge wei yeini u ye leh 3 snem.

(Feature Image-For Representational Purpose)

Advertisement ad1

0 Comments

Leave a Reply