Jowai : Ha ka 19 tarik uni u bnai ka ophis ka DFO (Wildlife) da pynman ko ya ka yalang heiwa da pynche paidbah hei yatoh wa kammon u sein ya ka Biodiversity Management Committee (BMC) ha ki chnong yong ki kamjooh leh ya ki kaamram wa da pynkup ha ki.

Advertisement ad1

Yow seiñ ya ka BMC emkaam 7 ngut na kawi ka chnong wa u wi u staff officer na ka ophis DFO u wow yarap pynbiang ya ki kot ki sla kiwa emkaam ha wa sdang ya ka BMC.

Hadien wa da dep pynbiang ya ki kot ki sla daw yoh yarap poisa T. 60,000 yow wai bank account, yow thied tiar thied tar wa emkaam u pynkreh ya ka ophis ka BMC.

Ya ka BMC da ebor u seiñ ya ka hapoh ka aiñ Biological Diversity Act, 2002 kamjooh leh hapoh ka Rule 23 yong ka Meghalaya Biological Diversity Rules, 2010.

Ki kaam wa kongsan wow leh ka BMC toh u pynneh pynsah ya ki khloo ki kjam, ki sim ki doh wa em hapoh u pood u ang ka chnong. Heijooh i por u pyntikna ki yei rukom pynemkaam ya ki, wa yeiwa da e ka rymaw ya i ki bru pyrthai man ki kiwa pynmyntoi ya i waroh.

U booh leh yei pyrtuit kiwa em ha ka rymaw waroh nadooh i long i man wa ki sap ki myntoi wa em ha ki kam wow chna dawai ye leh u kyntu ha ka register kawa da khut kam ka People’s Biodiversity Register.

Ki chnong wa em ka ya BMC da ye ki u kam hok yei stat wa rim wa em ha chnong yong ki wei kamjooh ye ki u khrong poisa na kiwa kwah u pynemkaam ya ki.

U ma H.H. Mohrmen u wa man kam uwi wa e klam ha kani ka sngi da kyntu u ya ki paidbah wow pynemkaam hok ya ka BMC neibhah wa kani man ko kam ka laad wow pynneh pynsah ya ki symbe ki jhoor ki soh, wat hadooh ki mrad wa ri ha yung kam ki syiar pnar. Heijooh i por u ma Mohrmen da e nongmuna u wa du hapoh Ri-Loom Jaiñtia katkam ka yutip wa da yoh na ka tnat Agriculture da em palat 120 jait u kba.

Ha kani ka sngi da yoh yei batai lyngba ka PPT presentation na ka Divisional Forest Officer (Wildlife), ka kong H. Lato, kamjooh na u Principal Chief Conservator of Forest of HOFF, u C.Budnah uwa da man leh kam u kongsan, u Scientist ka Management Biodiversity Board u Nigyal John Lakadong, wa kiwi kiwi.

Ha kani ka sngi da wan yachimbynta da ki waheh chnong wa ki paidbah wa wan na ki chnong wapher wapher na Ri Loom Jaintia. Da pynkut ya kani ka yalang da i kyntien e khublei na u Range Forest Officer, Umkiang Wildlife Range, u LSJ Wahlang.

Share this:
Share on Facebook0Tweet about this on TwitterGoogle+0
Advertisement ad1