Advertisement ad1

Shillong: U Chairman ka Central Recruitment Board (CRB), uwa man leh u Inpector General of Police (IGP) ka jylla u H. Nongpluh, IPS,  da pynche ya i pynbaad wa i pynmih result wym em man ko kawa lai bait lai ryntih deiwa ong wa ini ymtoh iwa sakhiat toh du nei sñiawthooh bakla kiwa yaleh kreh.

Hanla kattæ leh ka CRB daw elaad ko ya kitu ki wym sñiawhun hajrong ini wow ujor ki chwa ka 26 tarik uni u bnai yow yoh u chong bichaar hei yatoh wa ini.

Advertisement ad1

U Nongpluh leh da pyntip u wa ya ki ujor toh u phah cha u Principal ka Police Training School-cum-Member Secretary yong ka Board, cha u Superintendent of Police yong ki district lane deiwa phah da ka email ha [email protected] chwa ka 5 waje i janmiet.

U Nongpluh da pyntip u leh wa em ki kyndon kiwa e mark 5 percent ya ki khon jong ki pulit langrut, ya kiwa yalehke kiwa wanrah naam ya ka jylla wa ya ki NCC. Da ong u leh wa i pyllai ya ka exam nadooh ka Physical Test wa ka Written Test da lai katkam ki kyndon wa booh wei ym em leh bakla.

Da ong u wa ha ka exam, da kheiñ lang ya waroh ki mark yong kiwa yaleh kreh wa kynthup ya ka Physical wa ka Written Test wei kiwa da poi cha khmat da pynmih pyrtuid ya ki.

Katkam ka kyndon wa da booh ka sorkar, ya ka kyrdan wa kham heh nadooh Sub Inspector chaneiñ, i khut ya kiwa thap kreh da man i ar chah na iwa em ki kaam wa lait katwa ya ki kyrdan wa khian da chim chi chah chiteiñ ya ki kaam wa lait. Ini mut wa ya kiwa chah khut toh kiwa wan cha khamat katkam wa kheiñ.

Da e nongmuna u wa lada em 100 tylli ki kaam wa lait ha ki kyrdan wa rap heh, da chim du 200 ngut yong kitu kiwa wan chakhmat kamjooh leh ya kitu ki kyrdan wa rap khian da chim won du 150 ngut.

Kani i pynche u Chairman ka Board da ong u wa hadien wa ka tnat Meghalaya Police da chah pynbaad ko wa da leh wym hok ko hadien wa da pynbna ya ka result thung kreh ha ka 17 tarik uni u bnai ha ki kaam pulit wapær waphær.

Kani ka kreh pulit toh neibynta toh ha ka kyrdan Unarmed Branch Sub-Inspector (UBSI), ka Armed Branch Sub-Inspector (ABSI), Unarmed Branch Constable (UBC) wa Armed Branch Constable (ABC) wa kynthup yong ka MPRO wa kiwi kiwi, heiwa waroh em 1685 tylli chirup wa ki kaam Driver, Machanic wa kiwi kiwi.

Ha ka UBSI ki kaam wa lait toh 100 tylli, ka ABSI  25 tylli, ka UBC 631 tylli wa ha ABC man 929 tylli kiwa thylli.

Waroh ki kaam wa lait em ki 2700 tylli tam ha ki kyrdan waphær waphær ha kani ka tnat.

Da em kamwa 80 hajar ngut ki khynroo khyllood wa thap ha kini ki kaam, na kini 14 hajar tam da chah jied ki wow yaleh ya ka written wa 4 hajar tam da yohlaad wow yaleh ya ka Personal Interview.

Ka tnat Meghalaya Police da sdang pynman ko ya ka exam thungkaam nadooh u Khonchonglaad 2016 deiwa pynman ya ka Physical Test wei da pynbood sa ya ka Written Test wei kattu wa sah won toh sa ka Personal Interview.

Kattu katni ki khynnah kiwa yaleh da pynbaad ki wa ka result da pynbna toh kawa ym em u khooid.

Share this:
Share on Facebook0Tweet about this on TwitterGoogle+0
Advertisement ad1