Advertisement ad1

Shillong: Ka yalang pynsñiawthooh paidbah kawa chi sngi heiyatoh wa i ri mrad kam i psan syiar psan sniang wa kiwi kiwi kawa man kam chibynta ka Meghalaya State Livestock Mission da pynman ya ka ynne ka sngi da ka yung krehkaam ka District Animal Husbandry and Veterinary Officer, East Khasi Hills District wa ka yungkrehkaam Block Development Officer, Sohiong C&RD Block ha Sohiong.

U H.D.R. Lyngdoh, Minister, Animal Husbandry & Veterinary da wan u kam u kongsan wei hei klam yong oo wa da ong u wa ki warep kani ka thaiñ embhah ki wa yoh ki kam ya kani ka pysñiawthooh ka wow yarap pynbniah yei rukom psan mrad ki.

Advertisement ad1

Da ong leh wa kani ka thaiñ man ko kawa miat dooh wow psan mrad wei kamjooh leh wow ri mrad deiwa rap boon yow yoh nong ki chiboon.

U Lyngdoh da ong u leh wa ka State Livestock Mission toh kawa dang dep pyllait paidbah u Montri Rangbah heithmu wow pynyoh khih ya kiwa rep pyn ha chyngkiar ki. Chooh chooh da ong u wa katni ka jylla dang boon hi wa wanrah mrad na baar jylla yow pyndap yeiwa emkaam ki bru kamtæ kani ka khih u man ko kawa yoh nong bha.

Ha kani ka sngi u Dr. R.K. Marbaniang wa ka Dr.(Ms) I. Warjri, A.H.&V. da klam ki chaphang wa kammon i kylla u wanrah i ya i yoh i kot kiwa im cha palatchnong deiwa ri mrad wei da batai ki leh chaphang ki kjut wei wa kammon u yada ya kini ki kjut ha ki mrad wei kamjooh leh yow lait ki u poor cha ki bru.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1