Advertisement ad1

Jowai : Ka Seiñ Khynroo Khyllood Committee ka Seiñraij Jowai ynne ka 29 tarik da pynkut ko yei leh warom ya ka lyngkhooh snem yap wa 153 yong u woh Kiang Nangbah ha Madiah Kmai Blai Syntu Ksiar. Da sdang ya kani ka kynmowarom nadooh ka 27 tarik.

Ynne ka sngi da pyndep ya ka Yasiat Khnam Pyllah, Slow Racing Bicycle wa ka Slow Racing Motor Bike.

Advertisement ad1

Da sdang chwa ya ka Yasiat Khnam Pyllah heiwa 18 ngut wa kynthup ya ki khynnah, khynroo, ki waheh wa tymmen da chimbynta ki nyngkong ha ka yakop samen wei da yoh lad u siat mar san tylli ki khnam.

kkclast1

kkclast3

kkclast2

Da booh ya ka thong siat wa jngai 25 mitar na ki wa siat. Ha ka kylla wa khatdooh sah sa ar ngut u ma Bin Shylla na Sabah Muswang wa u ma Saiñmiki Suwer na Iongpaih. Kini ki arngut da pyrchang ki boon tylli ki khnam chwa u tne u ma Bin Shylla ya ka thong wei da rah u yei naam jop kamjooh ya ka song poisa T. 3,000 katwa u ma Saiñmiki u wa wan wa ar da yoh u T. 1,000.

kkclast.jpg4

Ha ka yakop wa ar da em 8 tylli ki dhab wa yasiat wa yabhah mar le ngut. Ha kani ka kynti da jop ka dhab u Lamet Phawa, Bin Shylla wa u Kyllin Shylla. Da wan wa ar ka dhab u Kiri Pakyntein, u Marbait Dhar wa u Garlin Phawa. Ki wa jop da rah ki ya ka song poisa T. 3,000 ki wa wan wa ar T. 1,500.

Ha ka yakop Slow Racing Bicycle næ ka wa jop  uwa wan khatdooh deiwa lai wer khlem pynhap kjat ha khyndaw kamjooh khlem lai pyllat u ang wa da booh ha i jngai wa 20 mitar. Ha ka Bicycle da jop u Kitmitre Challam pynbood sa ka Syiemsynshar Sumer. U wa jop da yoh u ya ka song poisa T. 1,500 wa ar T. 1,000.

kkclast4

Ha ka Slow Racing Motorcycle da jop u Monty Challam wa ka song poisa T. 3,000 wa ar u Lambai Challam wa ka song poisa T. 1,500.

kkclast5

kkclast6

Ye phi u puræ ya kiwi ki yalehke wa da dep pynman ka Seiñ Khynroo Khyllood Committee ka Seiñraij Jowai heini wa heini.

Share this:
Share on Facebook0Tweet about this on TwitterGoogle+0
Advertisement ad1