15 49.0138 8.38624 1 1 4000 1 http://wyrta.com 300 0

Pyntipmit ki 10 Dorbar Chnong ka Sahsniang Circle ya kawa e dawai kynbat wa chyrkhei

0 Comments
Advertisement ad1
Advertisement ad1

Jowai: Ki 10 tylli ki Dorbar Chnong wa haap hapoh ka Sahsniang Circle, West Jaiñtia Hills District, ynne ka sngi da pynman dorbar ki wow pyntipmit ya ka Mardewis Sungoh kawa man kawi na kiwa e dawai kynbat wa chyrkhei naka chnong Sahsniang watip kam ka Mardewis Sungoh Herbal Healthcare Sahsniang, West Jaiñtia Hills District.

Kani ka manbei da sdang ko wow e dawai nei tynjooh hadien wa mih tijoo ko waroh chi rynyieñ hei rta wa 12 snem, kamtæ da yoo ko ya ki dak wow lai thooh ya ki phlang ki kynbat wow sumaar ko pyn daka ya ka hi.

Advertisement ad1

Nadooh ini i por hadien wa da chait hei rta wa 17 snem da sdang sumaar ko ya ki bru wa yoh khniang kjut waphær waphær kam wa mih thung, khniang baam chyieñ, wa kiwi kiwi wei boon kiwa kut wa wan na ki doctor wow chah sumaar kiwa da dooh kyrmen wei manda poi ha ka chait wot ki.

“Napyrdi ki 7 ngut chi payu da jied ya nga samen ha ka sap e dawai kynbat, kini ki kynbat dawai ha nga samen dang tam ki bar ya i ksiar, wei man ki ha nga kam ki moolangnai neibynta wow yoh O u chakri ya ki padibah hei chitom i saja,” da ong ka Mardewis Sungoh.

Da khana ko leh waka luti wa lai ko chem ko chiboon i eh i khoo nadooh i wym biang i yung namo i thaw kyrpang neibynta kiwa kjut, ki bru wa lai luti yoo bait ki wa sumaar bru ko ha pchem. Teiñ teiñ hawa em ki kynti wa kiwa kjut rap chitom ki da haap pynsah bait wa ki khon ki kti yong ka hajrong i chah ya ki sma wa mih na i ksuid wa mih na u khniang wa em ha i doh i pran ki bru.

Kamwa man katni em ki por wot wow lai cha yung wa yap bru, wa khawai næ rep leh ym yoh por de ko neidaw wa wan ki bru wow phah sumaar na kylleiñ ki thaw katwa i dor ym khoh ko chong won hei e sñiawbha ki bru.

“Boonsien hawa pait O ya ki bru joo ki umkhmat O neibhah ym ye O wow e ya ki ya i thaw wa biang neibhah wa em ki jait kjut kiwa dawa ya nga wow em bait O hajan, khamtam ki khonboo ki wympu tip u klam næ khana yei chitom tangwa kiwa yam hi-eh,” da ong ka Mardewis deiwa pynrap wa da jooh lai paan yarap ko naka sorkar tangwa ym em iwon iwon leh i yarap.

Ha kani ka dorbar pyntipmit ya ka Mardewis da pynman ha madan phutbol Sahsniang-A heiwa da emlang ki waheh chnong na ki 10 tylli ki chnong, nalor u President ka UDP 4-Mowkaiaw u E.C. Dkhar, ki paidbah, wei ya ka yalang da pynlai da u Ronas Rabon uwa man u waheh chnong Sahsniang.

Neiliang kiwa waheh chnong kiwa klam da kyrpaad joor ki ya ka sorkar wow e yarap ya ka khnang wow ye ko u e chakri wa rap miat khamtam wow e ya i thaw wa kyrpang wow pynchong pynthiah ya kiwa kjut wa chah sumaar ha ka.

Chooh chooh da ong ki wa kam kini ki bru wa e dawai kynbat ka sorkar da toh u tipmit noh ko ya ki kam ki doctor neibhah wa ye ki wow sumaar ya ki khut wa chyrkhei katkam ka sap yong ki.

U Dolloi ka Elaka Raliang u Chawas Lyngdoh hawa e yei klam kam u kongsan da ong u wa ha sla pyrthai u Blai da bynta u ya ki sap waphær waphær ya ki bru, em kiwa khlem lai puræ næ chah hikai tangwa kdaw u ha ki ya ki dak ki chin chawa thiah wa dem khnang wow chem næ tip yei sap yong ki neibynta wow yarap ya ki para bru.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply