15 49.0138 8.38624 1 1 4000 1 http://wyrta.com 300

Pyrchah ka BJYM yei thmu ka sorkar wow ekti wow tih mooyong da ka MMDCL

0 Comments

Shillong: Ka BJYM Meghalaya ka tnat ki khynroo khyllood ka BJP da ong ko ym sñiaw yahap ko yei thmu yong ka sorkar jylla wow ekti cha ka Meghalaya Mineral Development Corporation Limited (MMDCL) wow tih mooyong ha ka jylla.

Ha ka khubor wa pha da u President ka BJYM u Egenstar Kurkalang da ong wa ini i thmu ka sorkar jylla toh wow knieh yei hok ki tre thaw tre ri yei mantre ki ya ka khyndaw ka chyiap katkam wa da pynkupbor da ka Sixth Schedule.

Lada ekti cha ka Mineral Developer cum Operator (MDO) wow tih ya u mooyong man ko ka laad ka luti ya ki Company kiwa heh spah wow leh beiñ ki ya ka kamai ja kpoh ki bru khian paaid neibhah ym ye u yaleh ya kiwa heh spah kamtæ man ko i ma wa joor bha ya ki paidbah wei emkaam leh ki District Council u emkti lang ki ha ini waroh.

Hei yong sakhiat ka NGT kwah ko ya ka sorkar jylla wow wanrah ya i rukom tih mooyong dei wym ktah ya ka bei rymaw wa kynthup ya ki um ki wah ka la-ær i chait i khiah kiwa kreh kamjooh ki paidbah ymtoh won wow knieh yei hok ki tre ri.

“Da dep maad chwa yei eh i khoo ki paidbah nadooh nei sah ram ki paidbah kamjooh ka sorkar jylla wei kani ka Company ka sorkar daw pyndooh nong ko ya ka jylla kam ka MCCL, MeECL wa ka MTC kiwa man ki company baamtooh ya ki heh sorkar wei ini leh daw ma ko i jooh lyngba MMDC.” da ong u Kurkalang.

 

Kiar ki nongkyndong ya ka injection neidaw wa ....

Previous

Pyrchah u Erwin Sutnga yei thmu wow ekti ha ka....

Next

0 Comments

Leave a Reply