15 49.0138 8.38624 1 1 4000 1 http://wyrta.com 300 0

Pyrchah ka Dorbar Chnong Lumshnong yaka Public Hearing ka Star Cement

0 Comments
Advertisement ad1
Advertisement ad1

Jowai: Ka Dorbar Chnong Lumshnong heiyatoh wa i pynbna u Member Secretary yong ka Meghalaya State Pollution Control Board (MSPCB) Shillong kawa mih ha ka tarik 15-02-2019 neibynta ka M/s Star Cement wa daw pynheh ko ya i tih paar moochuni yong ka na ka 09 lakh ton cha ka 25 lakh ton chi snem ka wow pynman da ka Public Hearing ha ka tarik 19-03-2019 yow paan bor na ki paidbah.

Kamtæ ka Dorbar Chnong ka pynrem juoor ko ya ini i leh embor wow yooh beiñ ya i hok man bru kam ka chnong waka riti synchaar yong ka chnong wa da pynkup da ka JHADC hapoh ka 6th Schedule ya ki Waheh Chnong wa pait ya ka chnong.

U Waheh chnong ka Lumshnong u Monlang Ladong da pyntip u wa kam ka Dorbar Chnong lyngba ka yung krehkaam u DC ka East Jaiñtia Hills District deilang naka yung krehkaam u Member Secretary ka Meghalaya State Pollution Control Board (MPCB) Shillong da pynmih khubor ki wow pynsangeh ya kani ka Public Hearing næ wow pynpep noh ya ka hadien wa da dep e i thoh wow pyrchah ya ka.

Da pyndam leh ya kani ka Public Hearing neidaw wa pyrchah ka chnong wa i pynheh ya ka paar moochuni daw ktah ko ya ki tyllong um wa em ha soodong ka chnong, da booh ko yei ma ya ki yung ki bru wa daw piah daw kaad ki neibhah ka Company daw pynemkaam ko ya ki tiar pynpdung bom hawa khloh ya u moochuni kamwa da jia ha kini ki snem wa da dep, daw ktah ko leh ya ka rep ka riang, khamtam dooh daw ktah joor ko ya i chait i khiah ki khynnah.

Ka Dorbar Chnong ka yieñ pyrchah ko hadooh katni wei ym e bor ko wow pynman ya kani ka Public Hearing tangwa katkam wa i pyntip wa yoh na u DC ka East Jaiñtia Hills Dist lyngba ka Phone da pyntip u cha u waheh chnong wa ka Public Hearing u pynman bait haka tarik kawa da pynbna wei da yoh hukum u DC lyngba ka Phone na u montri rangbah ka jylla u Conrad Sangma wow pynman bait ya ka Public Hearing ha ka tarik wa da dep booh.

Hawa paan yei thoh na u DC hajrong ini da ong u wa ym em, kamtæ hajrong kani ka yurim ka Dorbar Chnong Lumshnong ka pynrem joor ko ya ini i leh embor yong ki bor wa toh u pait ya kani ka kaam.

Ka Dorbar Chnong Lumshnong ka pyrshah wei maham joor ko wow pynman ya ka Public Hearing, lada jia wa mih kiwon kiwon ki jia wa sñiawsih hawa pynman ya kani ka Public Hearing, ki bor sorkar wa toh u pait hap ki wow bahkhlieh.

Ini toh katkam wa pyntip u Waheh Chnong ka Lumshnong u Monlang Ladong.

Kam wow pynkynmoo wa ynnin u snem ya kani ka jooh ka Public Hearing da pyndam ya ka.

Also Read: Chah pyndam ka Public Hearing ka Star Cement wow sdang thymme ya ka thaw tih moochuni

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply