Ialong: Ka Photography Workshop & Competition wa da pynman da ka Meghalaya Basin Development Agency  (MBDA) da poi ko cha wakut ha kani ka 29 tarik uni u bnai ha Ialong.

U ma Aiban Swer u wa naka MBDA ong u wa i thmu iong kani ka workshop toh u esikai ia ki bru hapoh ka district iow u pynmiat  pynbha chuh chuh ki ia i sap chondur iong ki. Ong u wa hapoh ki district ka Jaintia Hills em boon ki thaw wa miat tangwa lada ym em ki nongchondur wa ye u pynyoo pyrthai ia kini waroh daw sepai ki neibha ym wan ki nongjngieh pyrthai cha kini ki thaw.

Advertisement ad1

Kini ki dur daw iarap ki chiboon iow khring ia ki bru na kyllein kyllein u wan ki cha ka chnong Ialong neibhah ia ki daw pynmih cha kiwa boon ki website wa ki kot iong ka MBDA.

I thmu ka MBDA ong u ma Aiban  ymtoh u wan e sikai ia i wa thymme hynrei u pyntbit ia i sap wa da em chwa ha ki bru.

Ha kani ka sngi da wan ki student naka St. Anthony’s College Shillong, Ka Sikkim Manipal Shillong, Ka National Institute of Fashion Technology Shillong wa ki nongchondur napoh Jaintia Hills.

Ia ka 1st prize wa ka poisa wa 12,000 tyngka da rah da u Soumesh Lyngdoh, ia ka 2nd prize kawa 8,000 tyngka da jop da ka Damini Thapa, ia ka 3rd  prize wa 5000 tyngka da ioh da u Akash Mirza. 

 

 

Share this:
Share on Facebook0Tweet about this on TwitterGoogle+2
Advertisement ad1