15 49.0138 8.38624 1 1 4000 1 http://wyrta.com 300 0

Rai ka NPP wow mih na ka sorkar NDA lada mynjur ya ka CAB ha Rajya Sabha

0 Comments

Shillong: Ka National People’s Party (NPP) da chim ko yaka rai wow mih noh na i krehkaam lang waka BJP ha ka sorkar National Democratic Alliance (NDA) ha Delhi, lada mynjur ko ya ka Citizenship Amendment Bill is, 2016, ha Rajya Sabha.

Hawa klam hadien wa wai ka General Body Meeting, u montri rangbah ka Meghalaya, u Conrad K Sangma da ong u wa ka Party da chim lang ko ya kani ka rai wow pyrchah bait ya ka CAB.

Advertisement ad1

U Conrad da chah jied biang u leh kam u President rangbah ka Party neibynta le snem, da ong u wa ini i rai yong ka NPP ynne ka sngi daw phah leh cha ka sorkar pyrdi neibhah katkam wa ong u Conrad, ka party u yada bait ko ya ki jaitbru ka thaaiñ mihsngi.

Kam wow pynkynmoo wa ka BJP ka thmu ko wow wanrah ya ka CAB kawa ki paidbah ka thaaiñ mihsngi ki pyrchah joor ki ha ka dorbar Rajya Sabha heiwa ha ka 12 tarik uni u bnai daw tyrwa biang u yoh ya ka mynjur wow man aiñ, hadien wa da dep mynjur yaka da ka Lok Sabha ha ka 8 tarik u Duiyatra (Jan) uni u snem.

Heiyatoh won wa i dam noh wow krehlang wa ki sorkar wa yahkhmat da ka BJP, kam ha Arunachal Pradesh wa Manipur, neiliang u Conrad da ong u wa kam kiwa yahkhmat daw pyndooh kyrmen ko ya ki paidbah lada ki kyrchaan ya kawon kawon ka sorkar kawa ktah ya ki paidbah lyngba ka CAB.

Da ong u wa ini i rai ka Party, ye u mih i yapher yumut ha ka ya krehlang, tangwa neiliang ka NPP daw pyrkhat ko iyi wow leh hadien.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply