Delhi: Ka Union Cabinet wa khlieh da u Prime Minister u Narendra Modi ynne ka sngi da rai ko wow pdiang ya 5,300 tylli ki manyung wa tip kam ki Displaced Persons ka Jammu & Kashmir-1947 kiwa da rai nyngkong wow mih naka jylla Jammu & Kashmir tangwa hadien da liwan biang ki wei da chong chnong biang ki hapoh ka jylla Jammu & Kashmir, i yarap namo ka Rehabilitation Package toh kawa da mynjur da ka Cabinet haka 30-11-2016 neibynta ki Displaced Families ka PoJK wa Chhamb hapoh ka PM’s Development Package 2015 neibynta ka Jammu & Kashmir.
Da ini i mynjur ka sorkar, kini ki manyung daw yoh yarap poisa ki kawa chisien T. 5.5 Lak hapoh kani ka Scheme.
Kam wow pynkynmoo wa ha u snem 1947 hadien wa em ka thma ka India waka Pakistan ha J&K, kamwa 31,619 tylli ki manyung da mih ki na Pakistan Occupied Areas of J&K (PoJK) cha ka jylla J&K. Na kini, 26,319 tylli ki manyung da chong da sah ki ha ka jylla J&K wei 5300 ki manyung da mih ki naka jylla J&K yow chong chnong noh cha kiwi ki bynta ka ri. Ha kawi won ka thma Indo-Pak ha u snem 1965 wa 1971 sa 10,065 tylli ki manyung da yut chnong ki naka thaaiñ ChhambNiabat. Na kini 3,500 tylli ki manyung da yut chnong biang ki haka thma u 1965 wa 6565 ki manyung da yut chnong ki ha ka thma u snem 1971.
Ki 36,384 ki manyung toh kiwa da pdiang chwa ha kani ka Scheme wa da mynjur da ka Cabinet ha ka 30-11-2016 wa kynthup ya ki manyung wa 26,319 tylli kiwa yut na PoJK kiwa chong chnong won ha J&K wa 10,065 ki manyung kiwa yut na naka thaaiñ ChhambNiabat. Ki 5300 tylli ki manyung kiwa yut nyngkong na PoJK wei kiwa da yut leh naka jylla J&K cha kiwi ki bynta ka ri ym em pdiang ya ki hapoh kani ka Scheme. Kattu kini ki 5300 ki manyung kiwa da uiñ biang cha J&K, da pdiang lang ya ki hapoh kani ka Scheme.
Discussion about this post