15 49.0138 8.38624 1 1 4000 1 http://wyrta.com 300 0

Rap emlaad ka NPP ha Tura bar ya u Dr. Mukul: Conrad Sangma

0 Comments
Advertisement ad1
Advertisement ad1

Shillong: U montri rangbah ka jylla uwa man leh kam u National President ka NPP, u Conrad Sangma ynne ka sngi da ong u wa i yakhun u Dr. Mukul Sangma na Tura Parliamentary Constituency ym ktah i ya ka Party deiwa pynrap wa ka kyrtong ka NPP rap emlaad ko neibhah wa khlan ka Party hapoh ri-loom Garo.

U Conrad da ong u leh wa ka sorkar wa ka Party da kreh chitom ki kattu la chi snem heiwa ki paidbah leh da yoo ko ya ki kaam kani ka sorkar.

Chooh chooh da ong u wa tikna u wa ki paidbah ka jylla hi kwah ki wow yoo wa pteiñ ki kaam wa bha ka sorkar jylla.

Ka sorkar wa yahkhmat ka NPP hapoh jylla kawa tip kam ka Meghalaya Democratic Alliance (MDA) da chimkti ko ha ka 6 Wisu (March) yong u snem wa dadep heiwa u Conrad da pynrap u wa kiwi ki seiñ leh da pdiang ki wow pynyakhun du da uwi donhi u kyrtong namo u Common Candidate na Shillong Parliamentary Constituency.

Da pynrap u leh deiwa ong wa nadooh wa sdang ka Party da kwah ko da u kyrtong monlang wei ki paidbah leh tip hi ki iyi wa emkaam.

Heijooh i por da ong u wa i rai ka NPP wow kyrchaan ya u kyrtong ka United Democratic Party (UDP), u Jemino Mawthoh man ko pyrchah ya ka rai ka National General Body Meeting kawa da man ha ka 9 Thohlakhmi (February) wei da rai leh wow yakhun na ki 25 Constituency ha ka thaaiñ mihsngi.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply