15 49.0138 8.38624 1 1 4000 1 http://wyrta.com 300 0
Advertisement ad1
Advertisement ad1

Sdang yoh ka Star Cement yei kyrchaan wow tih moochuni

4 Comments
Advertisement ad1

Jowai: Hadien wa mih ki pyrchah na ki kattu katni ki seiñ seiñ na East Jaiñtia Hills yaka Star Cement wa em ha Lumshnong, East Jaintia Hills yei thmu wow sdang tih moochuni haka thaw wa heh 42 Hectare wa em ha chnong Brishyrnot hapoh ka Narpuh Elaka, East Jaintia Hills da sdang wow yoh yei kyrchaan ya ini na kiwa boon ki seiñ.

Katkam ka khubor wa da yoh, u Member Secretary ka Meghalaya State Pollution Control Board (MSPCB) da yoh u hadooh 19 tylli ki chithi na kiwa boon ki seiñ kiwa pynsñiaw yei kyrchaan ya kani ka karkhana pynmih khyndaw-bilat wow sdang u tih moochuni ha Brishyrnot.

Advertisement ad1

Ka Public Hearing ka wow paan bor ya ini u pynman yaka haka 19 tarik uni u bnai ha chnong Brishyrnot wei neiliang ka MSPCB da pynbna paidbah ko lyngba ka Public Notice yow yoh ki paidbah wow pynsñiaw ya iwa sñiaw ki.

Ka North East India Environment Association, Jaintia Hills Branch haka chithi cha u Member Secretary, MSPCB da ong ko wa kani ka karkhana pynmih khyndaw-bilat da e ko yei myntoi ya ki paidbah khamtam ki tre chnong deiwa e kreh ya ki wei wow pynku leh ya ki chnong wa em cha jan yong ka khamtam ka chnong Lumshnong. “Kamtæ i kyrchaan i yaka Star Cement haka Public Hearing deiwa yooluti leh wa ka Ministry of Forest and Environment daw e bor ko ya kani ka karkhana pynmih khyndaw-bilat wow sdang ya i tih moochuni”, da ong u Secretary, u W. Thubru.

Ka Land and Forest Owner Association, East Jaintia Hills leh da yieñ ko wow kyrchaan ya ini i jooh deiwa ong wa daw yoh kreh chooh chooh ki tre chnong kamtam ya ki khynroo wa ym em khih em khan deiwa bood ya ki soskular wa da ya soi wa ki dorbar chnong kamjooh leh deiwa bood yaka Industrial Policy Act 1997.

Ka Labour’s Union Jaintia Hills hawa e ko yei kyrchaan yaka Cement Plant da ong ko wa 60% ki kaam toh u e cha ki tre chnong wa 40% won u e cha kiwa ym toh ki jaitbru ri-loom wei neiliang ka sorkar leh toh u pyntikna ko wa ka la-ær waka um toh u man ko kawa khooid.

Sa uwi wa kam toh u MDC warim wei man u leh kam u dkhot ka JHADC Forest and Environment Committee, u C. Lyngdoh da kyrchaan u ya kani ka Cement Plant.

Kiwi de ki seiñ wa kyrchaan toh ka Youth and Unemployment Organisation, West Jaintia Hills; Jowai Citizenship Association, Poor People Conference Organisation, Jaintia Hills; Khasi Jaintia Farmers Association, Umphyrnai, East Khasi Hills; The Dorbar Shnong Bamkamar, WJH; Thadlaskein Sub Area Marketing Society, Phra Shnong Association (Mukhla, Ummulong, Wahiajer, Moodymmai wa kiwi kiwi), Muskut Mookyndur FMC wa kiwi de leh da pynsñiaw ki yei kyrchaan ya ini i tih moochuni.

Advertisement ad1

4 Comments

  • October 7, 2019 at 5:16 am
    Yoomeki kyndait

    UNITED Hynniewtrep Movement-East Jaintia Hills Districts ,,,,, ka Pyrchah jur ko yei wam eilad ko leh u lilam tad dor ki kattu katni ngut ki ingkhong shilangmat kiban bam duh bad kiba lilam ia ka Bri Hynniewtrep wamaya iong I ….Cha ki mynder RI ….Hawa ki jait Bru iong I ye ki u khih u pynlai mochuni Cha Kompani ,tae yeileh u eilad I u tih ko pana ka …..ki Bru iong I man rtip ki khih mo ????

    Reply
  • October 7, 2019 at 10:44 am
    Bio

    Kyrpad o ya ki tu ki sein wa snoh kti lang wa star cement u pyrkhat yullu bha pH…..wa. Kamnu rukom bam smai pH shwa u pdiang pH ya ka sein….wat I v leh kyrpad o ya pH wa ham ia shah na nu thkar pohjait wat eh ha ka shnong iong I u decide u e ne ym e ne toh I wa sah Sha Ni I u chiam ki te ki shitom Saja…..

    Reply
  • October 8, 2019 at 6:58 am
    Charity

    Kitu ki sein na jngai shnong ki wom tip i dooh i dang wa jia sha ka thain Narpuh, “Balei phi kyrshan kulmar khlem da iohi ia ka jaka” ka Land n forest Asstn east jaintia kam ka sein wa hajan dooh mwn kawa thlah wa tooh kani ka thaw toh ka echo zone iong ka ka narpuh wildlife erea.

    Reply
  • October 10, 2019 at 5:55 pm
    Mewan

    Pyrchah paralok pyrchah . Ham e lad ia kini ki khwan samen u ioh ki u batai . Kini kopsar da da kylla masi bam kot Wei da snw ki wa bang ka kot Star Cement , tae I daw pynksan bha ki ka katae is Star Cement ki.Ham e lad ia ka mynder u kjit ko na ri lum Jaintia dep daw iut lut ko .
    Batai mat da phi ki wa kyrchan katwon ngut ki local ki wa m ha ka blue collar position iong ka star Cement??? M mo 60/40 in each department ??? How many onroll and how many offroll job ???

    Reply

Leave a Reply