15 49.0138 8.38624 1 1 4000 1 http://wyrta.com 300

Sepai ka dorbar jied CEM thymme ka KHADC, pynbaad u HS Shylla wa emkti ka PDF

0 Comments

Shillong: I pynyoo bor neibynta ka chuki Chief Executive Member (CEM) ha Khasi Hills Autonomous District Council (KHADC) da man ko kawa sepai ynne ka sngi neibhah u LG Nongsiej da ieh noh u yei kaam kam u Chairman deiwa phah chithi iehnoh kaam cha u secretary ka KHADC, u M Kharkrang. Ini i iehnoh kaam  noh u Nongsiej na ka kaam Chairman da wan ko hadien i ieh noh u Pynshngain N Syiem ya ka kaam Chief Executive Member (CEM) ha ka 10 tarik uni u bnai. Da ini i ieh kaam u Chairman da yoh yutip wa ya ka dorbar jied CEM mynstep daw pynlai da u Protem Chairman wow thung da u Lat ka jylla.

Da ini i ieh kaam u Nongsiej, da pteiñ biang i kulmar ha KHADC neibhah katkam wa da phah da ka yungkrehkaam u Lat ka jylla, ya ka dorbar wow pynyoo bor neibynta ka chuki CEM da booh wow man ynne ka sngi hachwa wow em ka dorbar, u Nongsiej heipor kamwa 10 waje i step da phah u ya ka chithi ieh kaam yong oo cha u Secretary ka Council.

Hajrong ini i leh yong u Nongsiej, neiliang uwa yahkhmat ka KHDA uwa man leh u u kyrtong CEM kani ka kynhun, u Hispreaching Son Shylla da dawa u ya u Nongsiej wa da toh leh wow ieh noh u yei man MDC u leh wei wow e ya i daw wa biang yeini wa leh syndet u.

Hawa klam ynne ka sngi u Shylla da ong u wa da yoh yutip na ka tnat District Council Affairs (DCA) ka sorkar jylla, wa ymye de u pynman ya ka dorbar jied CEM ynne ka sngi neibhah wa da ieh kaam noh u Chairman wei haap u pyndep ya ki emkaam waroh wow yoh ya u Protem Chairman wow pynlai ya ka dorbar neibhah wa ka KHADC ym em Deputy Chairman ko.

U Shylla da ong u wa ka KHADC ym em khlieh de ko neibhah ym em ko ya u Chairman næ u CEM wei u Lat u thung noh u da u Protem Chairman wa kiwa pait wa chipor kam u CEM napyrdi ki para MDC.

Uwa yahkhmat ka KHDA da kam u leh wa ki da yoh yutip ki wa ka liang wa yaleh pyrchah, ka PDA ka da pyntikna ko wym yoh CEM ynne ka sngi. Da pynbaad u leh ya ka PDF wa emkti wow leh chynam yeini wei da kylli u leh iyi ini wa da leh ka PDF.

Da pynbaad u leh wa u Chairman toh uwa dang ngait ya u CEM warim u PN Syiem neibhah wot ha ki dorbar wa dadep kohngooh u katwa u Pynshngain leh u khlem da pynemkaam ya ka bor yong oo.

U Shylla da kam u leh wa ki MDC ka PDA ki da tieñ ki neibhah hadooh katni ka KHDA wa boon paaid wei ka em ko 18 ngut ki MDC na i wan kyrchaan lang sa uwi u MDC ka PDF, u Morningstar Mawsor uwa da pyntikna lyngba ka message ha ka phone.

Da sdang ya ka World Population Fortnight ha WJH

Previous

Hadooh 75 ngut na WJH wa em i duna ha i doh i ....

Next

0 Comments

Leave a Reply