15 49.0138 8.38624 1 1 4000 1 http://wyrta.com 300

Sñiaw khia ka JSU Jowai Circle yei sahteiñ i kreh ya ka Iawmusiang da ki phaw snem

0 Comments
Advertisement ad1

Jowai : “Da yoo i wa i chna ya ka Iawmusiang da sangeh i kattu da ki phaw snem kattu wei da sdang i kreh nadooh u snem 2001-2002 hei lut kamwa T. 18.9 klur na ka Ministry of DoNER wa ka JHADC u lut ko kamwa 10%” da ong ka JSU Jowai Circle.

Ka seiñ da ong ko wa ka DoNER da dep e ko ya ka bhah wa nyngkong (1st Instalment) kamwa T. 6.33 klur ha u snem 2004 wei iwa phylla won wa hadooh katni dang phylla ko wa sahteiñ i kreh.

Advertisement ad1

“Sakhiat ki MDC ka JHADC yi leh ki ma-ai nadooh kitu ki por hei yatoh weini?” da kylli ka seiñ.

Ka Iawmusiang kawa em ha Jowai man ko kam ka aab wa pait wa yooluti ka Jaiñtia Hills waroh kawi, wei neiliang ka seiñ da sñiawkhia ko wa da sahteiñ in i kreh.

Da kyntu ko leh ya ka JHADC wow chimkhia yeini wow chimkhia ko wow pyndep smat yei kreh ya kani ka Iawmusiang neibynta i bha ii at ki paidbah ka ri-loom Jaiñtia waroh kawi.

Dawa ka JSU-MU wow pyndam kreh ya uwa chim kab....

Previous

Chiboon kam ka St. Anthony’s HSS ya ki naam kh....

Next

0 Comments

Leave a Reply