Advertisement ad1

Jowai: Ka Inter-College Football Tournament kawa pynman kam chibynta wow lehkmen yei dap 50 snem ka Kiang Nangbah Govt. College da sdang ya ka ynne ka sngi heiwa da wan chimbynta ki 8 tylli ki College wei da pynman 4 tylli ki yalehke ha madan Kiang Nangbah Stadium.

Ka yakhun wa nyngkong ha kani ka sngi da pynman hapyrdi ka Shangpung College pyrchah ya ka Thomas Jones Synod College. Hadooh wa kut i por ka yalehke da kut ko mar chi kool, kamtæ da pynman da ka ya chut Tie-Breaker heiwa ka Thomas Jones da jop ko da 3-2 kool.

Advertisement ad1

Ha yalehke wa bood hapyrdi ka Ummulong College pyrchah yaka St. Anthony’s Byndihati College ka Ummulong College da jop ko da chi kool.

Ka yakhun wa le won hapyrdi ka Jaiñtia Eastern College pyrchah ya ka Adventist Training College, ka yalehke da kut ko khlem em wa yoh u thap kool wei ha ka yachut Tie-Breaker ka Jaiñtia Eastern College da jop ko da 4-3 kool.

Ka Kiang Nangbah Govt. College won toh yachem ko wa ka Nongtalang College tangwa neidaw wa ka Nongtalang ym em u wan ko cha ka yalehke da rai wa ka Kiang Nangbah Govt. College da man ko kam kawa jop.

Ki yalehke Semi Final daw pteiñ ko mynstep nadooh 10 waje i step.

Share this:
Share on Facebook0Tweet about this on TwitterGoogle+0
Advertisement ad1