U yachem ka Lawmali waka Assam Rifles haka Final ka 4th Assam Rifles Invitational Football Tournament

Shillong: Ka Lawmali da pynrem ko yaka Smit kawa jop yaka 4th Assam Rifles Invitational Football Tournament ha u snem 2018 deiwa jop ko lyngba ka yachut Tie-breaker da 4-1 kawa pynman ynne ka sngi ha Laitkor.

Kani da man ko ka sien nyngkong wa ka Smit ym em psiah Final ko nadooh u snem 2016, 2017 wa 2018.

Ka Lawmali daw yachem Final ko waka Assam Rifles kawa da jop suk da 8-1 yaka Mawpat haka Semifinal wa ar ynne ka sngi.

Haka yaleh Semifinal wa nyngkong u Will Marbaniang da thap nyngkong u yaka Lawmali haka minit wa 9 katwa ka Smit da ye ko u su kylliang haka minit wa 76 da ka kool na u Banshan Nongdhar.

Kamtæ da pynman daka yachut Tie-breaker heiwa ka Lawmali da jop ko da 4-1.

Haka Semifinal wa ar won man ko kawa da thap boon kool heiwa ka Assam Rifles da thap kool wa nyngkong ko haka minit wa 37 lyngba u T Nang Kuki wei da pynbood sa u H Haokip chwa wow kut ka kylla step.

Haka kylla miet won ki kool da thap wut wut kawa sdang da u Lalboi Kipjen haka minit wa 50 lyngba ka Penlaty wei da thap biang u haka minit wa 60. U Haokip da thap ya ka ki ar kool hadien 10 minit katwa u M. Chetry da thap u ar kool haka minit wa 80 wa 84.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ka Mawpat da yoh ko u thap chi kool haka minit wa 89 lyngba u Batiplang Bamon.

Ka yalehke Final hapyrdi ka Lawmali waka Assam Rifles daw pynman haka JN Stadium, Polo Ground, Shillong haka 16 tarik uni u bnai.