Advertisement ad1

Jowai: U C.S. Shylla uwa da heh da san ha Main Road, Wahiajer kam u rangbah uwa da poi cha palat 40 tylli ki chnong kiwa khut sñiawbha ya oo yow wan u kam u kongsan ha ki yaaw fete yong ki skur, ki Club, ki Balang ha ki yaleh boll wa kiwi kiwi de da chem wei da yoo u yei boon jait ki duna waphær waphær.

Advertisement ad1

Ka sorkar da pynmih ko boon jait ki scheme, tangwa ym ye u pyndep ya ki na ki daw wa boon wei na kini ki daw da rai u Shylla wow yieñ yow yakhun Election MLA 2018 na ka 1-Nartiang Constituency.

Da pynman yalang paidbah leh ha ka ka 15 tarik uni u bnai hapoh ka 1-Nartiang Constituency heiwa da wan ki waheh ki khynroo ki khyllood na palat 40 chnong wow pynyoo yei kyrchaan yong ki.

U Shylla da klam u leh chaphang ka nongbah Shillong kawa jooh man leh ka nongbah ka Assam hadooh ki snem 1940 tangwa ka Assam ki bynta wa sboh da rah lut ko cha ka handlada tip ya ka Shillong kam ka “Seat of Education.”

Kam ka jylla Meghalaya da em ko palat 45 snem tangwa cheiwon kitæ ki Government College, Medical College, Agriculture, Veterinary, ki Engeneering College wa kiwi kiwi hapoh ka Meghalaya da kylli u Shylla.

Ki khynnah na Meghalaya haap lai ki cha Mizoram, Nagaland wa kiwi kiwi, neiyi i daw? Da kylli biang u Shylla, da pteiñ u deiwa ong wa i yieñ Election toh yow jop yow wanrah ya ki kaam pynroi.

Ha kani ka yalang da em leh u Pankaj Deka, Organising Secy. BJP, I/c  Khasi & Jaiñtia, ka Anita Susngi, State Vice-President, BJP Mahila, Meghalaya, u N. Kharbithai, President, Nartiang Mandal, wa kiwi kiwi kiwa deilang wa ki paidbah da pynskem ki ya u C.S. Shylla kam u kyrtong.

Share this:
Share on Facebook0Tweet about this on TwitterGoogle+0
Advertisement ad1