Advertisement ad1

Jowai: U Sñiawbhalang Dhar, u montri wa pait ya ka tnat bordiñ ka sorkar Jylla ynne ka sngi da wai u ya ka thaw esumaar kawa tip kam ka Rasongsli Nursing Home ha chnong Amshipai kawa em hajan ka Amlarem Civil Sub-Division West Jaiñtia Hills District.

Kani ka Nursing Home toh kawa da chna da u Rom Dhar uwa e dawai bru lyngba ka sap yong oo wei da e pyrtuid u ya ka kam ka Rasongsli Nursing Home deiwa chim wow pynsah naam hei pyrtuid ka khon u ka Rasongsli Pohshna.

Advertisement ad1

Kani ka thaw sumaar em ko kamwa 26 tylli ki pyllong, kiwa kynthup neibynta ki chynrang, ki kynthai wei i rukom chakri ya ki paidbah man i thij kam ki hospital, kawa em nadooh ka OPD, ka Emergency Ward, ka thaw kha khon, ka kamra X-ray, ka Pharmacy wa kiwi kiwi.

Ki Doctor ki wow sumaar ha kani ka thaw kynthup ko ya u Dr. D. Paslein, Resident Medical Officer, General Physician, Dr. B. Synmon, MBBS.MD (General Medicine) consultant-Neuro Medicine, Dr. L. Wanshnong (MBBS, MS, General Surgery Consultant: Onco Surgeon), 4 ngut ki Staff Nurse, u X-ray Technician, Medical Lab technician, wa kiwi kiwi.

Hawa klam u Rom Dhar da khana u wa i daw wa chna u ya kani ka thaw sumaar toh wa emkaam wow sumaar ya ki bru da kiwa da pliah i krehkaam katkam ka stat wa katni wei oo leh daw pteiñ u wow e dawai cha ki bru kiwa emkaam u dih ya ki dawai yong oo.

Kam u kongsan u Sñiawbhalang Dhar da ong u wa man i i jop wa khroo wa da ye wow chna ya kani ka Nursing Home katkam ki aiñ ki kyndon ka sorkar wei chong sadu ha ki paidbah wa kiwa kreh kammon u pynku ya kani ka thaw sumaar.

Da ong u wa waroh kini jia ki du lyngba i yoo jngai u Rom Dhar wei man ko leh kam ka dak wa ki paidbah ka thain u yoh ki i sumaar wa biang tangwa iwa kongsan dooh chong i ha ki Doctor wa ki Nurse ki wow e i sumaar.

U Ngaitlang Dhar MLA ka Umroi Constituency da kyntu u ya ki Doctor wa ki Nurse wow e i chakri wa biang tam ya kiwa kjut wei wow pynyoo ya i khmat wa soohrkhai wei wow pynkmen ya kiwa chah sumaar khnang wow sñiaw ki wow smat chait noh ki.

Kiwi kiwa da e klam ha kani ka sngi toh ka Isawanda Laloo, SDO Amlarem Civil Sub-Division, u MLA ka thaiñ u Stephanson Mukhim, u MDC ka thaiñ u H. Lamin wa kiwi kiwi wei da pyllai ya ka yalanb da u Dr. M.Talang Joint Ditector ka tnat i chait i khiah ka sorkar Jylla.

Share this:
Share on Facebook0Tweet about this on TwitterGoogle+0
Advertisement ad1