15 49.0138 8.38624 1 1 4000 1 http://wyrta.com 300 0

Wow lehwarom yei dap 5 snem, pynman ka HYC-MC ya ki Campaign hajrong i drugs ha ki skur

0 Comments

Shillong: Ka HYC-Mawlai Circle da lehwarom ko ya ka lyngkhooh snem wa 5 yong ka seiñ deiwa pynman ya ka School To School Anti-Drugs Campaign ya kawa da pynman ynne ka 13 tarik ha Grace Care Secondary School, wei da pynbood won sa ha Nongkwar Secondary School wei da pynkut ha SKC Secondary School.

Ha kani ka sngi ki bru chemphang kynthup ki ya u Steve Rynjah, SP Shillong City wa u SI ka Mawlai PS u Ksoo, heiwa da yoh ya ki kyntien lamphrang na u President ka Circle u D. Kharlyngdoh.

U Steve hawa e yei klam da kyntu u ya ki khynnah wow kiar ki na ki jait dih wa sih neibhah wa manda kyrni ha ki daw kylla man ki kiwa tooh, wei ka aiñ daw pynchitom won ko ya ki wei daw poi u pood wot wow dooh khih ki hadien.

U Ksoo da ong u wa katni kiwa tooh boon mih ki neibhah wa emkaam poisa ki wow thied drugs wei kam ki khynnah toh u kiar na ki bru wa sih neibhah wa ye ki wow pynchoi ya ki wei wow kynmoo leh ya u Blai ha ki rta sngi yong ki.

U Donboklang da ong u wa ka seiñ nei sñiawkhia yeini i kaam, kamtæ kam chibynta wow lehwarom ya ka 5 snem ka seiñ da rai wow pynman ya kani ka Campaign ha ki skur.

Ka seiñ da kyntu ko leh ya ki khynnah wow kiar ki na ki jait dih wa sih nadooh u biri, sikret, shikhar, 5000, Raja, Golden neibhah lyngba i kaam wa khian daw poi cha i heh wot hadooh i dih drugs.

Ya kini ki yalang da pynlai da u Rhembor G Saibon wa u Danny Z Mukhim kiwa man ki VP ka Mawlai Circle.

Ka seiñ da e sñiawbha ko leh cha ki skur wa kini ki bru chemphang wei ka Campaign wa ar daw pynman ya ka ha ka tayaw wow wan.

Advertisement ad1

0 Comments

Leave a Reply