15 49.0138 8.38624 1 1 4000 1 http://wyrta.com 300

Yakhih kiwa puræ ka NEIAH wym mano kiwa pynlai ya ki dawa yong ki

0 Comments

Shillong: Kamwa 200 ngut kiwa puræ ka North East Institute of Ayurveda & Homeopathy (NEIAH) ynne ka sngi da pynman ki ya ka yakhih wow pyrchah yei wym mano kiwa pynlai kani ka thaw puræ wow e yei dawa yong ki.

Kini kiwa puræ da booh ki soo tylli ki mat dawa hakhmat ki bor pynlai wa kynthup wow booh ya ki hostel, ka lai ka wan, ki laad yoh myntoi (Subsidy) wa i chngaiñ kiwa lai puræ khamtam ki kynthai.

Ha ini i yakhih da em i yania wa joor hapyrdi kiwa lai puræ wa kiwa pynlai kani ka thaw heiwa kiwa pynlai da ong ki wa i dawa kiwa puræ toh iwa khlem yurim wei iwa dadep pynbait da slem.

Hadien won kiwa pynlai da phah ki ya kini kiwa lai puræ cha u Director uwa dang chim chuti.

Hawa yaklam wa kiwa pathai khubor ki kattu katni kiwa lai puræ da ong ki wa i dawa yong ki toh iwa da slem tangwa ki bor pynlai won ym pyrwa ki yeini waroh.

Da ong ki wa ka luti na ki thaw sah yong ki chadooh kani ka thaw puræ man ko kawa jngai wei em du 2 tylli ki Bus, man i iwa eh bha ya kiwa puræ ha i lai i wan wei i wym em ki Hostel hajan da wanrah ko  yei mynsien syir khamtam ya ki kynthai.

Kini kiwa puræ ka NEIAH da pynsñiaw ki wow pteiñ yei yakhih hadooh wa da yoh ki yeiwa dawa ki.

Ym ye ka sorkar u pynbor ya ki paidbah wow pyn....

Previous

Hadooh T. 56 lak tam chah thok uwi ha ki ar ng....

Next

0 Comments

Leave a Reply