15 49.0138 8.38624 1 1 4000 1 http://wyrta.com 300

Ye ka BJP u beh seiñ ya u Bernard wa khut khawai doh masi yei dap 3 snem ka sorkar u Modi

0 Comments

Shillong: Uwa e ktien ka BJP uwa pait ya ka jylla Meghalaya u Nalin Kohli da ong u wa ka party daw beh seiñ ko ya u Bernard Marak uwa man kam u District President ka BJP, Tura neidaw wa oo da pybna paidbah u wa daw khut sñiawbha u ya ki bri wow baam khawai doh masi kam chi bynta wow leh kmen yei dap 3 snem ka sorkar NDA.

Ynne ka sngi u Kohli da ong u wa “ka party ym em ko i thmu kam ini i jait wei i leh yong oo man i pyrchah ya ka party.”

Da ong wa lada kwah u wow khawai deiwa pynlut u ym em iyi iyi leh wow khang ya oo tangwa i pynemkaam won u yei pyrtuid ka seiñ man i iwa pyrchah yei rukom krehkaam ka seiñ.

Ini i maham wow beh ya u Bernard, toh hadien wa da pynbad u wa pynmih u ha ki Social Media wa ka party BJP daw pynman ko ya ka khawai baam doh masi kam chibynta wow leh kmen yei dap 3 snem ka sorkar National Democratic Alliance wa yahkhmat da u Montri Rangbahdooh ka ri, u Narendra Modi.

Chah thang kawi ka Bus ha Nongmynsong, Shillong

Previous

Pynwandur ka DDMA wa khih khmi ha Che’s ....

Next

0 Comments

Leave a Reply