15 49.0138 8.38624 1 0 4000 1 https://wyrta.com 300 0

Ym slem de daw pynbna ka sorkar ya ki kyndon tih mooyong wa katkam ka juk wa katni

0 Comments
Advertisement ad1

Shillong: U Deputy Chief Minister, u Prestone Tynsong, ynne ka sngi da pyntip u hakhmat ka yung dorbar ka jylla wa ka sorkar i thong ko toh wow wanrah ya i rukom tih mooyong wa katkam ka stat sayan wa katni ka wow man leh kawa ym ktah yaka rymaw kamjooh wow yada ya kiwa tih mooyong.

U Deputy Chief Minister da ong u leh waka sorkar heijooh i por leh u yada ko yei hok yong ki bru yong i yei mantre ki yaki mar pohkhyndaw.

Hawa jubab haka ya phyllu yumut kawa tip kam ka Zero Hour Discussion ka dorbar, u Tynsong da ong u wa, “Nadooh wa poi hei bor, ka sorkar kawa katni haka sien nyngkong da chimkhia ko ya ini i kaam wa chah khang tih mooyong haka National Green Tribunal (NGT) ha u 2014 wei da rah ya kani ka kaam chadooh ka Supreme Court kawa da e yaka hukum wow tipmit yei hok ki bru ri-loom yei mantre ki ya ki mar pohkhyndaw.”

Da pynche u leh wa i tih mar pohkhyndaw wa leh da ki bru ri-loom ka jylla Meghalaya ye u leh du hadien wa da yoh yaka Mining Lease katkam ka aiñ Mines and Minerals (Development & Regulation) Act, 1957 ka Mineral Concession Rules, 1960, wei i khang ka NGT ym krehkaam ko lada leh katkam kini ki aiñ.

Da pyntip u leh wa yaka Mining Lease, ym toh ka sorkar jylla wow e, kani chong ko ha ki tre thaw katkam ka Chapter V ka Mineral Concession Rules, 1960 hadien wa yoh bor naka sorkar pyrdi waka sorkar jylla.

Katkam wa ong u Tynsong, nachwa iwa chitom dooh yaka tih mooyong hapoh ka jylla toh wow yoh yaki Coal Blocks/Mining Lease cha ki Company lyngba ka dai lilam (Auction) katkam ka kyndon Section 11 A ka MMDR Act, 1957.

“Katni ym emkaam de wow leh ya kani ka Auction yow yoh u tih mooyong heiwa ki tre thaw em hok ki wow yoh ya ki Mining Lease lyngba ya ki Coal Blocks ya ki tre lada bood ki ya ki kyndon ka aiñ,” da ong u Deputy Chief Minister.

U Tynsong da pyntip u leh wa ka sorkar daw booh ki ya ki kyndon wow bood yow sdang yaka tih mooyong kawa man katkam ka stat sayan wa katni deiwa bood ya waroh ki kyndon ka aiñ.

0 Comments

Leave a Reply