Jowai: Hadien wa ki pulit ka EJH ynnin ka sngi da yoh kem ki ya le ngut ki baar ri kiwa kynthup ya uwi na Ivory Coast wa arngut na Nigeria, da yoh kem biang sa 6 ngut ki nong Nigeria.
Kini ki 6 ngut leh da wan ki kamwa wan kiwa chah kem chwa heiwa da hær ki naka ri yong ki cha Bangladesh deiwa em ka VISA wa biang wei da psiah tooh ki cha ri India lyngba ka jylla Tripura deiwa yoh yarap na ki nong Bangladesh wa kiwa em neiliang ka ri India, wei hei step ka 13 tarik uni u bnai da wan ki da ka kari na Agartala (Tripura) cha Silchar wei da chah ksoh ki ha ki pulit ka Lumshnong neidaw wa ym biang ki ya ki kot ki sla. Da pynngat ya ki hapoh ka kyndon ka aiñ Foreigner’s Act.
Ya kiwa chah kem da tip kam u Thomson Chizoram Nwafama (29 snem), u Chijoike Agustus Obiocha (28 snem), u Desmond Chiemela Uzochkwu (25 snem), u Okoliegbe Henry Onyedika (33 snem), u Okeke Ugochukwu Justin (32 snem) wa u Chukwunyere Chinaza Christian (30 snem).
Neiliang ki pulit da pyntip ki wa lada em wa tip chaphang kini ki bru ye ki wow phone ha u SP ka EJH ha u number 9485178835 lane deiwa email: [email protected]. Daw murieh ya i pyrutid ki bru wa pyntip.
Discussion about this post