Ka West Jaiñtia Hills District hapoh i yahkhmat u Wankishwa Mawlong kam u Coach, da jop ko 7 tylli ki takma wa kynthup ya kawi ka Takma Ksiar, 4 tylli ki Takma Rupa wa ar tylli ki Takma Tama da ki ar ngut ki kynthai wa san ngut ki chynrang ha ka lympung Judo State Championship 2024-25 kawa da pynman da ka Meghalaya Judo Association ha SAI STC Shillong ha ka 29 wa 30 tarik u Naiynñiaw 2024.
Ya ka Takma Ksiar da yoh da ka Kheinkor Padit ha ka kyrdan yalehke 52kg.
Ya ka Takma Rupa da yoh khur da ka Daphishisha Lamare ha ka 48kg, u Hamehi Dhar ha ka 45kg, u Phrangsngi Paswet ha ka 60kg wa u Nangiaid Pyrtuh ha ka 66kg.
Ya ki Takma Tama da yoh da u Cheerful Susngi ha ka 45kg wa u Damehi Dkhar ha ka 60kg.
Da em leh ar ngut ki kynthai kiwa da chah jied yow chimbynta ha ka Coaching Camp kawa da pynkhreh neibynta ka North East Khelo India Women’s League kawa daw pynman ha Shillong ha uni u bnai.
Neiliang kiwa yahkhmat kamjooh kiwa yalehke da e khublei ki ya u DSO ka West Jaiñtia Hills District wa ya u John R Chullai wa da ya embynta nadooh wa sdang hadooh wa kut kani ka yalehke wa ya ki bru paidbah kiwa da e kyrchaan dei pran wei mynsien ya kiwa yalehke wei kamjooh leh ya ka WJDSA kawa da e thaw sñiawbha ya ki khynnah wow pynkhreh ki neibynta kani ka lympung.
Discussion about this post