10 snem phah kset ka yung bichaar ya u Brightstarmi uwa slaitbor ya ka khynnah wa dang 14 snem

Ka yung bichaar u Special Judge (POCSO), Jowai ha ka 6 tarik uni u bnai da rai pynrem ko ya u Brightstarmi Nangbah uwa chong chnong ka Laskein deiwa pynngat ya oo hapoh ka Section 3(a)/4 ka aiñ POCSO Act, 2012 ya ki kaam slaitbor u ya ka khynnah wei yeiwa pynchitom u ka.

Katkam ka FIR wa da e ha ka 04-11-2019, da ong wa u Brightstarmi da sdang u wow slaitbor ya ka khynnah kawa dang 14 snem nadooh u September 2018 wei da maham u ya ka wym toh u khana bru ko.

Ya kani ka Case da Register ha Jowai PS C/No. 140(11)19 U/S 5(l)/6 POCSO Act wei ya ka takit deilang i Charge Sheet da leh da ka WPSI I. Kharpran.

Hadien wa kut i bichaar, da phah kset ya u Brightstarmi 10 snem deilang ka kuna kawa Rs. 20,000 wei lada ym ye u wow su daw hap chong patok u deiwa pyntam sa 6 bnai.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025