Ka Himachal Pradesh kamwa da leh kiwi ki jylla wa synchaar da ka BJP, ynne hapoh ka dorbar namo ka State Assembly da mynjur ko ya ka Bill yow pynkylla ya ka aiñ wa khang yei pynkylla niam ki bru namo ka “Mass Conversion” wei da ini i mynjur da pynku cha 10 snem i chah kset hapoh kani ka aiñ lada pynkylla niam ya ki bru deiwa pynbor, lane deiwa phon, lane deiwa pynbiej.
Ini da man leh chwa wow pynman ya ka Election MLA ha uni u snem kani ka jylla.
Ya kani ka Himachal Pradesh Freedom of Religion (Amendment) Bill, 2022 da mynjur khlem da em iwon iwon i pyrchah.
Hawa ong i pynkylla niam namo ka Mass Conversion da kheiñ wa ar lane palat ar ngut ki bru wa kylla niam heijooh i por wei i pynchitom toh iwa da pynku cha ka 10 snem naka 7 snem.
Kani ka aiñ da pynkylla ya ka du hadien 18 bnai wa pynkrehkaam ya ka kawa da tip kam ka The Himachal Pradesh Freedom of Religion Act, 2019.
