Hadien wa ki pulit da kem noh ki ya ki ar ngut ki bru wa suba emkti u tympdung Bomb IED iwa da jia ha ka miet ka 9 tarik ha Them Metor, Them Ïewmawlong.
Ynne ka sngi won ki pulit da lai yah ki ya kini ki ar ngut cha yung bichaar ha District Session Court yong ka East Khasi Hills, wei katkam ka khubor wa da yoh, ka yung bichaar da pynmih hukum ko wow kset ya kini ki ar ngut 10 sngi hapoh Police Custody neibynta wow takit ya ki.
Ki pulit ynnin i miet ka 10 tarik da kem noh ki ya ar ngut ki bru wa tip pyrtuid kam u Ebakordor Nongpluh (26 snem) wa u Tarson Lymba (58 snem) uwa man leh Disciplinary Secretary ka seiñ Hynniewtrep National Youth Front (HNYF), hajrong i chem kse wa emkti ki wow tympdung Bomb Improvised Explosive Device (IED) ha Them Ïewmawlong iwa em hajan ka thaw pynyieñ Bus.
Ki pulit da kem ki ya u Tarson na Dawki katwa ya u Ebakordor da kem na Shillong, wei kini ki ar ngut toh ki tre chnong ka West Jaiñtia Hills.
Discussion about this post