U Montri ka chnat Social Welfare, u Paul Lyngdoh da pyntip u ynne hapoh ka yung dorbar chna aiñ wa ki Drug Addiction Rehabilitation Centre wa em hapoh waroh kawi ka jylla em ki 10 tylli wei na kini da em 5 tylli ha East Khasi Hills wei waroh kiwa da chah kdoh chah khoom hei pynemkaam drugs hapoh Meghalaya da em ki 3 lak ngut heiwa kiwa boon dooh toh kiwa em ha Shillong.
Da pyntip u leh wa kini ki Centre toh kiwa ye u pait 15 hadooh 20 ngut ha i jooh i por.
Chooh chooh da pyntip u wa 20% na kiwa phah sumaar da ye wow yarap ya ki wow jop ki yei pynemkaam drugs deiwa e nongmuna wa kam ha West Jaiñtia Hills kiwa da ye u chah summar ha kini ki Centre hadooh wa chait da em 21 ngut ha u snem 2020-21, 55 ngut ha u snem 2021-22, 65 ngut ha u snem 2022-23 wa 131 ngut ha u snem 2023-24 iwa dapoi waroh 272 ngut.
Da pyntip u leh hapoh ka DREAM Mission wa da wanrah da ka sorkar da booh thong wow sdang chooh ki ya kini ki De-Addiction Centre ha waroh kawi ka jylla neibynta ki chynrang wa kynthai wei da booh bhah ka sorkar jylla Rs. 50 klur dei bor yong ka yow yaleh pyrchah yei drugs ha ki san snem.
Heiyatoh wa ki drugs wa yoh kem, u Paul da pyntip u wa ka sorkar dadep thang ko ya ki drugs hadien wa dadep wow leh katkam ki kyndon ka aiñ wei yeini da leh ini wadep ha kawi ka karkhana pynmih khyndaw-bilat wa em ha East Jaiñtia Hills.
Discussion about this post