10 tylli ki thaw niaw Vote neibynta ka Election MDC ka KHADC wa JHADC

I niaw Vote neibynta ka Election MDC cha ka KHADC wa JHADC da pynkrheh ki ha kiwa boon ki thaw khamtam ha Khasi Hills da booh 7 tylli ki thaw katwa ha Jaiñtia Hills won da em 3 tylli ki thaw niaw Vote.

Neibynta ki 5 tylli ki Constituency ka Ri-Bhoi District daw pynman yei niaw Vote ha NSCA, Indoor Stadium, Nongpoh.

Neibynta ki 13 tylli ki Constituency daw niaw Vote ha Inter State Bus Terminus (ISBT), Mawiong.

Related posts

E yarap u Sniawbhalang ₹ 4 lak cha ka Dong Lumsharatoh

February 11, 2026

Hadien wa jia ha Thangskoo dawa ka JNC wow wanrah ya ka Small Scale Mining

February 10, 2026

Kiwi de ki thaw niaw Vote toh ka Office ka SDO (C) Pynursla (ar tylli ki Constituency), ka Office u SDO (C) Sohra (ar tylli ki Constituency), ha Multipurpose Hall, DC Office, Mairang, Eastern West Khasi Hills District (ar tylli ki Constituency), ha Multipurpose Hall DC Office, Mawkyrwat, South West Khasi Hills (ar tylli ki Constituency) wa ha Multipurpose Hall DC Office Nongstoin, West Khasi Hills (le tylli ki Constituency).

Ha Jaiñtia Hills neibynta ki le tylli ki Constituency ka thaaiñ War daw niaw Vote ha Office ka SDO (C) ka Amlarem, ki 16 tylli won wa em ha West Jaiñtia Hills u niaw Vote ha Office u DC ha Jowai katwa ki 10 tylli kiwa em ha East Jaiñtia Hills daw niaw ha Office u DC ha Khliehriat.