Jowai: Kam chibynta wow pynkhreh wei da i mynsien Christmas, ki pulit ka West Jaiñtia Hills District Executive Force ha kani ka 16 tarik wa da dep da e sñiawbha ki 100 tylli ki kammor cha kiwa chong chnong ka Mowkaiaw wa emkaam ya ki.
Ha kani ka sngi da emlang leh u Superintendent of Police, u Dy. SP (Crime), ki wakreh ha yung krehkaam u SP wa u In-charge ka Raliang Outpost.
Neiliang ka District Executive Force da kyntu ko ya ki paidbah wow pynneh yaka suk ka saiñ haka chnong ka thaw khamtam ha kini ki por wei da e khublei Christmas wa u snem thymme wa suk ki ya waroh.
Da e khublei leh ya kiwa yarap wow pynyoh ya kini ki kymmor.
Discussion about this post