Shillong: Ka sorkar jylla ynne ka sngi da pyntip ko wa ki tre jylla kiwa da wan cha jylla hadooh ynne i janmiet da em ki 10655 ngut, katwa kiwa da mih na ka jylla Meghalaya wow liwan yung em ki kamwa 13,000 ngut.
Yeini da pyntip u Symbood Montri Rangbah ka jylla, u Prestone Tynsong deiwa ong leh wa kiwa dang em ha ha luti wow wan da ki rel wa da pynkhreh da ka sorkar wa kynthup na Delhi 174 ngut ki wow poi myntu i miet, na Kerela 352 ngut ki wow poi mynstep ka sngi wa na Goa 99 ngut ki wow poi ha ka 31 tarik uni u bnai.
Heijooh i por u Prestone da pyntip u wa i yaklam dang pteiñ i wow wan thooh ya kiwa dang em cha kiwi ki jylla khamtam na Maharashtra.
Discussion about this post