Ha ka khubor wa pynlait da ka Ministry of Development of North-East Region (MDONER), ki kaam wa da pynkreh hapoh ka Non-Lapsable Central Pool of Resources-State (NLCPR-State) Scheme hadooh wa da pynmih heithaw yong ka da ka North East Special Infrastructure Development Scheme (NESIDS) ha u snem 2017-18. Waroh ki kaam wa da pynkreh da em ki 1635 tylli kiwa chongdor T. 16233.78 klur kiwa hapoh ki jylla ka North East hapoh ka NLCPR-State Scheme heiwa na kini da em 1219 tylli kiwa da pynkreh deiwa pynlait poisa T. 9726.59 klur kiwa da pyndep hadooh ka 31-01-22 katwa kiwa dang sah da em ki 416 tylli kiwa da em hei chna.
Ha Meghalaya da pynkreh 107 tylli heiwa da pynlait poisa T. 1533.96 klur wei da pyndep 69 tylli hei lut wa T. 709.34 klur katwa kiwa dang sah da em 38 tylli.
Ka jylla wa boon dooh wa yoh kreh hapoh kani ka Scheme toh ha Assam kawa da yoh 446 tylli wei da pyndep 260 tylli katwa kiwa dang sah da em ki 186 tylli.
I rukom yoh kreh ki 8 tylli ki jylla man ki kamni ha wah:
Ka poisa hapoh ka NLCPR-State Scheme toh kawa dang e neibynta ki kreh wa dang lai chakhmat katkam ka yukheiñ wa da yoh khlem em da ka mang tangka jar jiar ki jylla yow ye u pyndep lut ya kiwa dang sah.
I pynlait poisa da ka Ministry ha kini ki le snem wa ha uni u snem hadooh ka 31-01-2022 man ki kamni ha wah:
| Financial Year | Funds Released (NLCPR-State scheme) in Crores |
| 2018-19 | 450.21 |
| 2019-20 | 379.59 |
| 2020-21 | 197.28 |
| 2021-22 | 369.10 (as on 31.01.2022) |
Ya ini da pyntip da u Minister for Ministry of Development of North Eastern Region, u G. Kishan Reddy hawa e yei jubab hapoh ka Lok Sabha ynne ka sngi.
