Kiwa dang yoh thymme ya u COVID-19 ha Meghalaya hadooh ynne ka 28 tarik da em ki 101 ngut, kiwa dang chait da em 72 ngut wa 1 wa dang yap katkam wa pyntip u DHS(MI) u Dr. Aman War.
Kiwa dang yoh thymme toh ha East Khasi Hills 54 ngut (chipai-5, paidbah- 49). Ha West Garo Hills 37 ngut (chipai-12, paidbah-2). Ha East Garo Hills 1, East Jaiñtia Hills 1, Ri Bhoi 2, South West Garo Hills 2 wa ha West Jaiñtia Hills 4 ngut.
Kiwa dang chait toh ha East Khasi Hills 54 ngut (chipai-2, paidbah-52). Ri Bhoi 2, West Garo Hills 9 ngut ki bru chipai, East Jaiñti Hills 4 wa ha East Garo Hills 3 ngut.
Ki bru paidbah kiwa dang yoh thymme ha East Khasi Hills toh 42 ngut ki High Risk Contact, 1 wakreh Health wa na kiwi ki Cluster, ha West Garo Hills 24 ngut ki High Risk Contact wa 1 wa dang liwan katwa ha kiwi ki District kiwa boon toh ki High Risk Contact.
Kiwa yap na u COVID-19 ha kini ki 2 sngi man ki kamni ha wah:
- U Rishikeshi Suba (74 snem) uwa na Upper Mawprem, da rah cha Bethany Hospital ha ka 13 tarik uni u bnai wei hadien wa Test da chem wa toh uwa em ya u COVID-19, da kyrriah won ya oo cha NEIGRIHMS wei da khlaad u haka 24 tarik uni u bnai.
- U Firstborn Marbaniang (64 snem) na Langkyrding uwa da rah ha ka 24 tarik cha Civil Hospital Shillong uwa da chem wa toh uwa yoh ya u COVID-19 wei da khlaad u haka 27 tarik.
- U Sanjay Singh Muktam (36 snem) uwa na jan Baridua Ri Bhoi uwa da chem wa toh uwa yoh COVID-19 ha ka 16 tarik uni u bnai wei da khlaad noh u haka 27 tarik ha Civil Hospital Shillong.
- U Knesman Nongsiej uwa wan na Guwahati wei da rah cha Civil Shillong ha ka 24 tarik uwa da chem toh uwa yoh COVID-19 haka 27 tarik.
- Ka Phomti Phawa (51 snem) kawa da chem wa yoh COVID-19 ha ka 25 tarik uni u bnai ha Civil Hospital, Shillong wei da khlaad noh ko ha ka 28 tarik.
- U Dil Bahadur Thapa (55 snem) na Lad Rymbai, EJH uwa da rah cha NEIGRIHMS ha ka 13 tarik uni bnai uwa da Test wei da chem wa toh uwa em ya uni u khñiang nadooh wa li booh ya oo tangwa da khlaad u ha ka 28 tarik.
Kiwa dang em ya u COVID-19 ha ki District man ki kamni ha wah:
EAST KHASI HILLS: 942 (chipai-48, paidbah-894)
WEST KHASI HILLS: 8
SOUTH WEST KHASI HILLS: 3
RI-BHOI: 96 (chipai- 8, paidbah-88)
WEST JAIÑTIA HILLS: 12
EAST JAIÑTIA HILLS: 213
WEST GARO HILLS: 154 (chipai-39, paidbah-115)
SOUTH WEST GARO HILLS: 13
SOUTH GARO HILLS: 2
EAST GARO HILLS: 10
NORTH GARO HILLS: 23
Waroh kiwa dang em ya uni u khñiang da em ki 1476 ngut, kiwa chait 3940 ngut wa 47 ngut kiwa yap.
Ki nongmuna kiwa da dep phah Test da em ki 1,48,298 tylli wei kiwa da dep Test kiwa ym em chah ktah namo kiwa man Negative da em ki 1,42,835 tylli.
Kiwa da psiah chapoh ka jylla da em ki 42,170 ngut.
