Ka 1st Sumer Got Talent da poi ko cha ka Semi Final ynnin ka 4 tarik heiwa da pynbna paidbah leh wa ya ka Final u pynman ha ka 13 tarik uni u bnai heipor 5:30 i janmiet heiwa da em 11 ngut wa kynthup ya kawi ka dhab (Group) kiwa da yoh u psiah yow yakhun yei naam jop.
Ya kani ka Final daw pynman hapoh ka yung dorbar ka chnong Samasi, Sumer Elaka, East Jaiñtia Hills kawa pynlai da ka Sumer Socio Cultural Sports Education and Entertainment Development Society deiwa ya krehlang waka Ams Entrepreneur Multipurpose Co-operative society Ltd.
Ha kani ka sngi daw emlang leh u Defender Pakem u wow man kam u kongsan wa u Ready Salahe kam u symbood kongsan.
Neiliang yong u Amnesty Salahe, General Secretary da khut sñiawbha u ya waroh wow wan e mynsien deiwa sakhi lang ha kani ka sngi.
Ki 11 ngut kiwa yoh u psiah Final toh kiwa chaad wa kiwa rwai kiwa man kamni ha wah:
Phiba Paslein
Phimost Chyrmang
Serial Syrti
Saplai Dkhar
Ejinghun Paslein
Klossik Lamurong
Ibanisha Paslein
Young Bro’z
E Jubab Langstang
Nida Chyrmang
Pyndaka Paslein
Kiwa yoh nyngkong daw yoh ki ya ka song poisa kawa T. 10,000, kiwa yoh wa ar T. 7,000 katwa kiwa yoh wa le u yoh ki T. 5,000.
