Ka Bharatiya Janata Party (BJP) Meghalaya da phah bait ko yei pyrtuid yong waroh kiwa paan Ticket yow yakhun Election Lok Sabha cha kiwa yahkhmat ha Delhi wow bichaar wei wow mynjur yow man kam u næ ka kyrtong.
Katkam wa khana u President ka BJP, u Rikman G Momin da em 5 tylli ki pyrtuid kiwa da mut yakhun na Shillong Parliamentary Constituency, kiwa kynthup ya u MLA ka Pynthorumkhrah uwa man leh u Montri ka sorkar jylla, u AL Hek, kiwi won toh u President warim ka BJP, u Ernest Mawrie, ka Dr. Fenela L Nonglait, u President ka BJYM, u Mewaker Lyngdoh waka Sumitra Laloo.
Da khana u wa na Tura Parliamentary Constituency, da em 6 ngut kiwa paan Ticket wa kynthup ya u Bernard Marak, u Boston Marak, ka Riya Sangma, u KC Boro, u Thomas Marak wa u Winnerson D Sangma.
Hawa kylli hajrong i pynbna ya ki kyrtong da ka Party, u Rikman da ong u wa ka Party dang yang ko ya kiwa yahkhmat na Delhi wow pynbna, wei da pynrap u wa ye u man wa daw pynbna ha ka thup kawa le ya kawa da yooluti wow pynbna ym slem de ha ki sngi wow wan.
Discussion about this post