U montri i chait i khiah ka jylla Assam u Himanta Biswa Sarma da pyntip u wa ynne ka sngi da em sa 114 ngut kiwa dang yoh COVID-19 ha Assam.
Nyngkong da pynbna u wa da em 30 ngut kiwa dang yoh kiwa 16 ngut na Golaghat, 6 ngut na Karimganj, 2 ngut na Lakhimpur, 2 ngut na Cachar, 2 ngut na Hailakandi wa 2 ngut na Karbi Anglong.
Hadien ini da pynbna u wa da em sa 25 ngut kiwa yoh wa kynthup ya 11 ngut na Kamrup Metro, 8 ngut na Hojai wa 6 ngut kiwa liwan daka lieñsuiñ.
Da pynbna won u sa 89 ngut kiwa dang yoh ya uni u khñiang khlam wa kynthup ya 30 ngut na Kamrup, 17 ngut na Tinsukia, 14 ngut na Guwahati, 14 ngut na Dhubri, 10 ngut na Cachar wa 4 ngut na Dhemaji.
Ynne da pynbna u leh wa em 6 ngut kiwa chah sumaar ha GMCH kiwa da chait wei kiwa da yoh u mih Hospital hadien wa Test yaki arsien wei pyn-ar da chem wa ym em de ki ya uni u khñiang.
Da em leh sa 16 ngut kiwa chait heiwa 12 ngut kiwa chah sumaar ha MMCH, 3 ngut ha SMCH wa 1 ha JMCH.
Wa kini waroh kiwa da chah ktah ha u COVID-19 ha Assam da em ki 1024 ngut, heiwa 125 ngut toh kiwa da chait, 892 ngut kiwa dang em ya uni u khñiang, 4 ngut kiwa yap wa 3 ngut kiwa da yoh u mih napoh ka jylla.
Discussion about this post